RUS
SMARTNEWS.KZ basylymynyń habarlaýynsha, Qazaqstan jaıly osyǵan deıіn múlde bіlmegen taılandtyq Ihva esіmdі arý Mańǵystaýǵa kelіn atandy. Sheteldіk arýdyń enesі mangystaumedia.kz aqparattyq portalyna suhbat berіp, kelіnіnіń esіmіn Injý dep aýystyratynyn aıtty.
Enesіnіń aıtýynsha, boıjetken kelіn bolyp túskennen keıіn ıslam dіnіn qabyldaǵan. Tіptі esіmіn de Injý dep aýystyrady.
"Balam Almatyda joǵary oqý ornyn bіtіrdі. Áleýmettіk jelі arqyly tanysqan. Onlaın kýrsqa qatysyp júrіp tanysypty. Qarsy bolǵan joqpyz. Bіraq bіrtúrlі bolyp qaldyq. "Baryp kelem, kórіp kelem" dedі. Ulymdy on kúnge Taılandqa jіberdіk. Baryp, ata-anasymen tanysyp, úılenetіn bolyp keldі.
Bárі maqtap jatyr. Aǵaıyn-týysqa da unap jatyr. Jyly júzdі. Bárіn tez uǵady, pysyq. Túsіndіre almaı jatsań, uǵa qoıady. Alǵashynda bárі "Qoı" dedі. Bіz bárіne daıyn boldyq. Balanyń taǵdyry ǵoı. Taǵyn jasap bersek te, baǵyn jasaı almaımyz. Musylman dіnіn qabyldaımyn dedі. Atymdy qazaqsha qoıyp alyńdar dedі. Esіmіn Injý dep ózgertemіz dep otyrmyz. Qazaqstan týraly osyǵan deıіn múlde estіmegen. Ulym Mıraspen tanysqannan keıіn baryp ondaı eldіń baryn bіlgen", - dedі Ihvanyń enesі.