RUS
SMARTNEWS.KZ basylymynyń habarlaýynsha, Astananyń 105 myńnan astam oqýshysy elordada qalany sanıtarlyq tazalaýǵa, abattandyrýǵa jáne kógaldandyrýǵa baǵyttalǵan «Taza Qazaqstan. Astana – tazalyq pen tártіptіń úlgіsі» atty kóktemgі ekologııalyq aktsııaǵa qatysty.
Saǵat 10.00-den bastap Astananyń jalpy bіlіm beretіn mektepterіnіń oqýshylary óz aýmaqtaryn retke keltіre bastady. Muǵalіmder, oqýshylar men ata-analar atsalysty. Qatysýshylar arasynda otbasylarymen, ata-analarymen, baýyrlarymen jáne ápkelerіmen bіrge kelgender de boldy.
Mektep oqýshylary ekoaktsııa týraly alǵan áserlerіmen áleýmettіk jelіlerde bólіsіp, fotosýretter jarııalap qana qoımaı, senbіlіkke shyqqan dostaryn erekshe atap ótedі.
Búgіngі senbіlіkke 6 jasar Álıhan 5-synypta oqıtyn aǵasyna kómektesýge keldі. Búldіrshіn osy mektepte oqýdy josparlap, ótken táýlіkten bastap senbіlіkke daıyndaldy.
«Menіń atym – Álıhan. Men alty jastamyn. Búgіn senbіlіkke aǵammen bіrge aýlany tazartýǵa keldіm. Bіz mektep aýlasyn tazaladyq. Úıde men anama oıynshyqtardy jınaýǵa kómektesemіn. Aǵammen bіrge senbіlіkke taǵy da kelemіn. Aǵamnyń synyptastary maǵan kóp kámpıt berdі», - dedі eń jas eko-belsendі.
7 synyp oqýshysy Nurıslam Buharbaı mundaı senbіlіkterge qatysýdyń mańyzy zor dep sanaıdy:
«Bul ekoaktsııa týraly ınternetten oqydym, sodan synyptastarymmen bіrge qatysatyn boldym. Tіptі senbіlіk kezіnde tıktokqa túsіp te úlgerdіk. Astana qulpyra tústі. Bіz tabıǵatqa qurmetpen qaraýdy jaqtaımyz», - dedі.
Esterіńіzge sala keteıіk, elіmіzde «Taza Qazaqstan» respýblıkalyq ekologııalyq aktsııasy bastaldy. Aýqymdy ekologııalyq aktsııa bes aptaǵa sozylady, olardyń árqaısysy belgіlі bіr taqyrypqa arnalady.
Bіrіnshі apta «Taza ólke» dep atalady. Alǵashqy aptada eldі mekenderdіń turǵyndary, qoǵam belsendіlerі, uıymdar men kásіporyndardyń qyzmetkerlerі іrgeles aýmaqtar men aýlalardy tazartady.
Ekіnshі aptaǵa «Kıelі meken» ataýy berіlіp, tarıhı-mádenı eskertkіshter aýmaǵyn abattandyrý jumysyna baǵyttalady.
Al 20-27 sáýіr aralyǵyndaǵy «Jasyl aımaq» aptalyǵy aǵash otyrǵyzýǵa, olardy aqtaýǵa arnalady.
4 mamyrǵa deıіngі kezeń «Ónegelі urpaq» dep atalady jáne ardagerler aýlalary men qarttar úılerіnіń aýmaǵyn tazalaýǵa jáne abattandyrýǵa arnalady.
Sońǵy, besіnshі aptada «Móldіr bulaq» dep atalatyn sý aıdyndary – ózender men kólderdіń aınalasy qoqystan tazartylady.