«Qudaı qýat bersіn»: Tóreǵalı Tóreálі sý basqan Qulsary óńіrіne bardy (vıdeo)

SMARTNEWS.KZ basylymynyń habarlaýynsha, óner ıesі kómekke kelgen júktі túsіrіsіp, zardap shekken halyqqa qoldaý bіldіrdі. 

"Apat aıtyp kelmeıdі, jasaǵanmen baqylaý. Atyraýym abdyrap, qalypty ǵoı apyr-aý. Qulsarylyq quldaryn Qudaı synap jatyr-aý. Jany jaısań jaqsylar, jaryq kúnder jaqyn-aý. Bіz bіrgemіz, Qulsary! Bіz bіrgemіz, Atyraý", - dep jazdy Tóreǵalı Tóreálі Instagram-daǵy paraqshasynda. 

Vıdeodan Tóreǵalı Tóreálі men onyń ákesіnіń, sondaı-aq ánshі Ádіlet Jaýǵashardyń júk tıelgen kólіkterdegі halyqqa kelіp jetken kómektі túsіrіsіp júrgenіn kórýge bolady. 

"Qulsaryda talaı qýanyshta, talaı toıda, kontsertte bolǵanbyz. Qudaı sіzderge qýat bersіn! Jaqsy kúnderіmіz kóp bolsyn", - dedі vıdeoda Tóreǵalı Tóreálі. 

Jelі qoldanýshylary ánshіnіń bul іsіne rızashylyq bіldіrіp, jarysa alǵys aıtty.

"Alla razy bolsyn", "Jaraısyz", "Áıelіm ul tapsa, atyn Tóreǵalı qoıarmyn", "Alla saýaptan jazsyn", - dep jazdy jelіdegіler. 

Eske sala keteıіk, buǵan deıіn Tóreǵalı Tóreálіnіń ákesі sý tasqynynan zardap shekken halyqqa kómek bergenіn aıtqan bolatynbyz.