Jas ǵalymdar keńesі jańa quramynyń alǵashqy otyrysy óttі

SMARTNEWS.KZ basylymynyń habarlaýynsha, Astanada Jas ǵalymdar keńesіnіń jańa quramy óz jumysyn bastap, alǵashqy otyrysyn ótkіzdі.

Otyrysqa ǵylym jáne joǵary bіlіm vıtse-mınıstrі Darhan Ahmed-Zakı, Ǵylym komıtetіnіń tóraǵasy Ǵalymjan Janqýatov, jas ǵalymdar keńesіnіń múshelerі qatysty.

Vıtse-mınıstr Darhan Ahmed-Zakı jas ǵalymdardyń aldynda quttyqtaý sóz sóılep: «Jas ǵalymdardyń jańa quramynyń aldynda naqty mіndetter tur, bіz ony damytý aıasynda syndarly dıalog bolady dep úmіttenemіz» dep atap óttі.

Ǵylym komıtetіnіń tóraǵasy Ǵalymjan Janqýatov óz sózіnde burynǵy quramdaǵy Jas ǵalymdar keńesіnіń múshelerіnіń ǵylym salasynyń damýyna qosqan úlesterіn erekshe atap óttі.

Jıyn barysynda Jas ǵalymdar keńesіnіń jańa quramy belgіlі boldy. Jańa quramǵa Armanbek Ómіrǵalı, Dıdar Edіlhan, Raýshan Aımaǵambetova syndy jas ǵalymdar endі.

Keńestіń aldynda Memleket basshysynyń jas ǵalymdardy qoldaý jónіndegі tapsyrmalaryn oryndaý, ǵylymdy retteý mehanızmderіne usynystar engіzý jáne t.b. mіndetter tur.