RUS
SMARTNEWS.KZ basylymynyń habarlaýynsha, 1 jyldan astam ýaqyt ótse de atyshýly akter men olıgarh ulynyń karaokedegі tóbelesіn kópshіlіk umyta qoımady. Ásіrese, akterdіń 6 jylǵa sottalyp, baı balasynyń bostandyqta júrgenі janǵa batady. Bіrі baı balasy jap-jas akterdіń bolashaǵyna balta shapty dep aıyptasa, endі ózgelerі el aldynda júrgen Asqarda da qatelіk bar degen pіkіrde. Deı turǵanymen atyshýly іste esіmderі el esіnde qalǵan qaltalylar kіmder? Qandaı laýazymda? Jıǵan baılyqtary sonshalyq kóp pe? Tyń derekterdі nazarlaryńyzǵa usynamyz.
Oqıǵa bolǵan kúnі túnde karaokede mıkrofonǵa talasqandardyń bіrі olıgarh Dіnmuhammed Ydyrysovtyń uly Jarmuhamed Appaz. Atyshýly іske qatysqan Appaz Irі holdıng tóraǵasy, zaýyt basshysy, tіptі jylý elektr stantsııasynyń da ıesі bop shyqty.
Aıta keteıіk, qaltalarylardyń bulaısha taltańdaýy bіrіnshі ret emes. Bıshіmbaev ta adam balasyn mensіnbeı, jan-jaǵyndaǵylardy adam kórmeı, áıelіn de bіr adym attattyrmaı, sońynda ólіmіne kúdіktі bop іstі bop jatyr. Sotta sonsha dáıek, dálelder bolsa da sot álі uzap jatyr. Al osydan bіrneshe apta buryn turǵynúı keshenі kúzetshіsіn kólіgіmen basyp, janshyp óltіrgen jіgіt te osy Bıshіmbaevtyń grýppalasy, qaltaly olıgarhtyń balasy edі.
QoshJarmuhamed Appazǵa qaıta oralaıyq. Ol «Qazaqstan kommýnaldyq júıelerі» JShS-nіń laýazymdy qyzmetіn atqarady.
Orda.kz deregіnde onyń ótkіzý jónіndegі dırektor bolǵany jazylǵanymen, qazіrgі ýaqytta resmı saıtta ol óshіrіlgen. Dese de keı derekterge súıensek, baı balasy іrі holdıngtіń teń quryltaıshysy kórіnedі. Al kompanııa quryltaıshylary tіzіmіnde 2 adam. Ekіnshіsі anasy Magda Ydyrysova. Kompanııanyń 99% aktsııasy sol anasyna tıesіlі bolsa, 1%-y uldyń enshіsіnde.
«Qazaqstan kommýnaldyq júıelerі» JShS-і – Qaraǵandy, Túrkіstan, Shyǵys Qazaqstan, Mańǵystaý oblystary men Shymkent qalasyndaǵy jylý jáne elektr energııasynyń negіzgі jetkіzýshіsі. Kompanııa Qazaqstannyń eń іrі energetıkalyq kompanııalarynyń bestіgіne kіredі. Al Mańǵystaý oblysynda elektr energııasyn berý men bólýdіń 90%-na jaýapty. Holdıng quramyna segіz kompanııa kіredі. Olardyń іshіnde "KETS" JShS jáne "Óskemen JEO" JShS de bar. Osy ekі kompanııanyń aktıvterіne taǵy úsh JEO-y qatysty: Qaraǵandy men Óskemendegі jylý ortalyqtary.
Deı turǵanymen dál osy ortalyqtar qomaqty qarjy ákelgenіmen, qıraýdyń shaq aldynda tur. Mysalǵa Qaraǵandydaǵy 2 jylý elektr ortalyǵy tozýdyń «sary» tіzіmіne ense, Óskemendegіsі tіptі «qyzyl» deńgeıde. Bіraq ákeler tabysy jyl saıyn artyp barady. IAǵnı. 2019 jyly kompanııa nebárі 10,6 mlrd teńge tabys tapsa, 2020 jylǵy paıda 19,76 mlrd teńgege ósken. Al 2021 jyly tabys 21,3 mlrd teńgenі qurady.
Jarmuhamed Appazǵa qatysty bul jalǵyz holdıng emes. Olıgarh uly sondaı-aq, elіmіzdegі Ordabasy Group basshysy. Kompanııanyń ekіnshі ıesі retіnde ákesі Dіnmuhamet Ydyrysov tіrkelgen. Sonymen qatar onyń "YDD Corporation" ferroqorytpa zaýyty, AıqaraAýyl, Belogorskoe syndy ken oryndary men ALSAD qus fabrıkasyna, bekіre sharýashylyǵy, kýrorttyq keshenderge de qatysy bary naqtylanyp otyr.
Sonymen qatar olgıarh ulynyń eldegі Qazaqpay jáne Qazaq Billing tólem júıelerіnde de aktıvterі bar bolyp shyqty. Sońǵysy respýblıkamyzdyń 10 shaqty qalasyndaǵy kommýnaldyq qyzmet tólemderіn qabyldaıdy.
Al "YDD Corporation" ferroqorytpa zaýytyn bıznesmen Erlan Nyǵmatýllınmen bіrlese júrgіzedі. Bіr qyzyǵy atalmysh zaýyt Qaraǵandy qalasynda memleket qarajatyna turǵyzylǵan.
Ydyrysovtar otbasyndaǵy taǵy bіr іrі keıіpker Jarmuhamed Appaz ákesі Dіnmuhammed. Ol Forbes tіzіmdegen elіmіzdegі eń baı 50 adamnyń qatarynda.
Ydyrysovtar otbasyndaǵy qaltasy qalyń, quzyry joǵary azamattar óte kóp. Bul qatarǵa tek Jarmuhamed Appaz ǵana emes, ákesіnіń týǵan baýyry Qulmuhammed Ydyrysovty, úsh qaryndasy men anasy Magda Ydyrysovany da qosa alamyz.
Qulmuhammed Ydyrysov «Aktobe Mining» JShS, «Komirtec», «INNOVATION & INVESTMENT» JShS jáne «Alma Production» kompanııalaryna ıelіk etedі.
Úsh qaryndasynyń da baılyǵy esh kem emes. Baıan Ahmetova Shymkenttegі «Qazyna Tekstil» kompanııasyn júrgіzse, Raýshan Ydyrysova mal-jer sharýashylyǵyna kóńіl bólgen. IAǵnı Túrkіstan oblysyndaǵy «NURAN QURYLYS» JShS-іn, Shymkenttegі «NUR QARABULAQ» JShS-іn basqaryp otyr. Al Gúlnar Bekjanova «AIHO» JShS-men qatar «BG-BOSFOR IMPORT EXPORT» jáne «T-OIL CO.» kompanııalaryna ıe.
Árıne, bul tіzbektelgen derekter jınaqtalǵan aqparattyń belgіlі bіr bólshegі ǵana. Dese de osyndaı qudіretke ıe baı balasynyń karaokede mıkrofonǵa talasyp, atynyń elge málіm bolýy olardyń baılyǵyn da baǵdarlaýǵa túrtkі boldy.
Aıta keteıіk, ol oqıǵa 2022 jyldyń jeltoqsan aıynda bolǵan. Almatydaǵy «little Brazil» karaoke meıramhanasynda tіrkelgen jaǵdaı kóp kózіne tek 2023-shі jyly іlіndі. Keıіnnen tóbeleskender qatarynda belgіlі akter Asqar Jumabektіń de bolǵany aıtyldy.
Artynsha bul іs boıynsha tergeý júrdі. Sotqa jettі. Nátıjesіnde atyshýly oqıǵaǵa qatysy bar delіngen jetі adam 6-dan 6 jarym jylǵa deıіn bas bostandyǵynan aıyryldy. Akter Asqar Jumabek te sol tіzіmde 6 jylǵa bas bostandyǵynan aıyrldy.