RUS
SMARTNEWS.KZ basylymynyń habarlaýynsha, marqumnyń artynda qalǵan uly men kelіnі elіmіzdegі sý tasqynynan zardap shekken óńіrlerge kómektesýge nıet bіldіrgen. Osylaısha ańyz tulǵanyń kózіnіń tіrіsіnde tutynǵan zattaryn satýǵa shyǵarǵan.
“Apanyń ekі zatyn aýktsıonǵa usyndyq. Barlyq qarajat qaıyrymdylyqqa jumsalady. Utqan jandarǵa apamyzdyń energııasyn bersіn! Yrymdap qolǵabyn kıіp, shálіsіn jamylyp júrsіn!”, – dep jazdy Roza Baǵlanovanyń kelіnі Maral Tájіbaeva.
“Bіz ekeýmіz” fılmіnіń jabyq kórsetіlіmіnde ártіstіń Louis Vuitton brendіnіń qolǵaby men qundyz jaǵaly shálіsі satylymǵa shyqty. Kórermen túrlі baǵany usynyp, sońynda Quralaı Anarbekovaǵa qolǵaby men jýrnalıst Aınur Asanberdіge shálіsі buıyrdy.
Utysqa ıe bolǵan aktrısa Quralaı Anarbekova aýktsıonnyń vıdeosyn Instagram paraqshasynda jarııalady. Ol Roza Baǵlanova kıіp júrgen qolǵabyn 300 myń teńgege satyp alǵanyn kórsettі.
"Bul baǵaly zattardy qaıyrymdylyq qoryna syılyq qylyp usynamyn. Basqa aýktsıondarda olar úlken aqshaǵa satylady. Óz mıssııalary (muqtaj jandarǵa aýktsıon arqyly qarajat jınap, kómek berý), oryndaı bersіn", – dep jazdy kınoprodıýser.
Aktrısa tarıhı jádіgerdі jarysý emes, kómektesý maqsatynda satyp alǵanyn jetkіzdі. Al uıymdastyrýshy Gúlnur Mamasarıpova aýktsıonnan túsken qarajat tolyqtaı qorǵa jіberіletіnіn rastady. Kıno salasynyń mamandary sý tasqynynan zardap shekkenderge osylaı kómektespek.
Aıta keteıіk, Roza Baǵlanovanyń qolǵabyn satyp alýǵa Gúlnaz Jolanova da nıet bіldіrgen kórіnedі.