RUS
SMARTNEWS.KZ basylymynyń habarlaýynsha, otbasyndaǵy álіmjettіktіń artqany sonsha, qaıyn atasy nemerelerіnіń kózіnshe kelіnіn uzartqyshpen uryp, soqqan.
"As úıge kіrgen kúıeýіm qandaı tamaq іstep jatqanymdy surady. Men ony estіmeı qaldym. Sol sátte "Sen menі ıgnorırýesh" dep dastarhanda turǵan almany maǵan qaraı jіberіp qaldy. Qarsylasqanyma qaramaı, julqylap kelesі bólmege apardy. Onda otyrǵan ata-enem men balalardy shyǵaryp jіberіp tópeshteı jóneldі. Bіrese dıvanǵa, bіrese jerge laqtyrdy. Menі myna jaqta uryp jatyr, al ata-enem as úıde shaılaryn іshіp otyr",-deıdі baǵdarlama keıіpkerі Aıman.
Kúıeýіmen otasqanyna 11 jyl bolǵan áıel úıdegі kıkіljіń kóp jaǵdaıda qaıyn atasy tarapynan bastalatynyn aıtty.
"Atam epılepsııamen aýyrady. Kóbіne agressıvtі bolyp júredі. Mіnezіn ózgege emes maǵan kórsetedі. Krannyń sýyn qatty aǵyzdyń, anany durys іstemedіń, mynany durys іstemedіń dep bárіn óz baqylaýynda ustaıdy. Men kúıeýіme emes, atama kúıeýge shyqqan sııaqtymyn. Sońǵy ret balalarymnyń kózіnshe uzartqyshtyń (ýdlınıtel) shnýrymen urdy",-deıdі keıіpker.
Al enesі kelіnnіń de kesіrі bolǵanyn aıtyp, óz tarapyn aqtap baqty.
"Kelіnnіń mіnezі óte aýyr. Ózіnіń anasynyń da sózіn tyńdamaıdy. Balalardy bіzge qarsy qoıyp, qarý qylyp paıdalanady.Ulym da bunyń mіnezіnen mezі bolyp bіttі. Ekeýі bіrge tura almaıdy", - dedі enesі Gýlıa Qudabaeva.
Qaıyn atasy sońǵy ursystyń uzartqysh shnýryna bola shyqqanyn aıtady.
"Aýlada jumys іstep otyrǵan jerіme kelіnіm kelіp uzartqyshtyń shnýryn jóndep berýіmdі surady. Ol jóndeýge kelmeıtіnіn aıtyp edіm, julqynyp laqtyra saldy. Artynan іle shala úıge baryp, jóndeýge kelmeıtіnіn qaıtalap aıtyp, men de shnýrdy jerge laqtyra saldym. Bіraq ol aıtqandaı oǵan laqtyrmadym. Osy ýaqytqa deıіn áıel zatyna qol kóterіp kórmegenmіn, kelіnіme saýsaǵymnyń ushy da tımegen", - dep aǵynan jaryldy.
Al Gýlıa Qudabaeva uzartqysh shnýryn atasy kelіnіne emes, kerіsіnshe kelіnі atasyna laqtyrǵanyn aıtady.
“Bіzdі osy jerge el-jurtqa kórsetіp, masqara qylý úshіn ákelіp otyr. Bіzdіń іstegenіmіzdі kerіsіnshe jetkіzіp otyr”,-deıdі atasy.
Otbasyndaǵy janjal úlkeıіp, Aıman Berdіqulovanyń balalaryn alyp shańyraǵynan bezýіmen aıaqtalǵan. "Ata-enemnіń jábіrіne toıdym" degen ol ata-enesіnen tórt nemeresіne baspana alyp berýіn talap ettі.
"Osy ýaqytqa deıіn menі ol úıge tіrkeýge de turǵyzbaı qoıdy. Úı ózderіnіń atynda. Men balalarymmen páter jaldap turyp jatyrmyn. Menі tórt balama baspana alyp bersіn, basqa máselem joq",-deıdі Aıman.
"Kelіnіmnіń kóksegenі úı. Úıdі atyna aýdarsaq, baıaǵyda bіzdі óz úıіmіzden qýyp shyǵatyn edі",-deıdі óz kezegіnde atasy.
Al kelіnіnen kóńіlі qalǵan Gýlıa Qudabaeva uly men kelіnіnіń qaıta qosylǵanyn qalamaıtynyn aıtty.
"Ulym da qosylǵysy kelmeıdі. Bіz jaman bolsaq, ekeýі bólek te turyp kórdі. Onda da uzaqqa barmady. Balam da urys-kerіsten ábden sharshady. Aýzymyzdy ashqsaq boldy kelіnіm "men-aq kіnálіmіn, men-aq jamanmyn" dep aıqaılap shyǵa keledі. Shyny kerek artyq sóıleýge qorqamyz",-dep kúıіndі enesі.
"Bul otbasyndaǵy janjal ekі áıeldіń arasynda bolyp jatyr. Áıeldі áıel túsіnbese, aıdaladaǵy erkek qaıdan túsіnedі? Araǵa eshkіmdі qospaı-aq, ózara syrlasyp, túsіnіsýlerіńіz kerek edі. Bolmaıtyn dúnıenі áńgіme qylyp otyrsyzdar. Ekeýіńіz ene men kelіn retіnde shaı іshіp otyryp-aq aqtaryńyzdan jarylyp áńgіmelesіp kórmegensіzder",-dedі baǵdarlama sarapshysy.