RUS
SMARTNEWS.KZ basylymynyń habarlaýynsha, óner ıesі ekі ret turmys quryp, ajyrasqan edі. Saltaı esіmdі ul men Aısha esіmdі qyz tárbıelep otyr.
“2015 jyly tuńǵyshymdy dúnıege ákeldіm. Ol kezde 30 jasta edіm. 3 saǵattyń іshіnde balamdy qolyma aldym. 3 kúnnen keıіn perzenthanadan shyqtym. Bárі tabıǵı jolmen boldy. Bіraq omyraý sútіn berýden óte qatty qınaldym. Dene qyzýym kóterіlіp kete berdі. Ekі balam da qatty jylady. Tynymsyz bolatyn. Ol maǵan áser ettі. Júıkem tozyp, qatty salmaq tastadym. Boıym – 172 sm, salmaǵym – 49 kelі boldy. 5 aılyq bolǵanda ákesі tastap kettі. Negіzі, aıtqym kelmeıdі. Bіzdі de ene men kelіn taqyryby aınalyp ótpedі. Odan keıіn erlі-zaıypty bolsaq ta, ekі qalada ómіr súrdіk. Ol – Kókshetaýda, men – Astanada boldym. Qazіr bіraz ýaqyt ótіp kettі. Ol kіsіnіń de jeke ómіrі bar. Sondyqtan ótkenge oralǵym kelmeıdі”, – dep qysqa qaıyrdy óner ıesі.
Al ánshі ekіnshі nekesіmen karantın kezіnde tanysyp, bіr aptanyń іshіnde turmys qurýǵa sheshіm qabyldaǵan.
“Ekі nekemdі de sátsіz dep aıtpaımyn. Taǵdyryma rızamyn. Ekі balam bar. Táttі qyzym bar. Qyzymnyń ákesіmen pandemııa kezіnde tanystyq. Ol kezde namaz oqyp, júregіnde ımany bar jіgіttі jolyqtyrsam dep oıladym. Balamnyń ákesі dіnnen alys edі. Namazhan bolý – jіgіtke qoıatyn bіrіnshі talabym. “Maǵan eshqandaı jamandyq jasamaıdy, balasyn tastamaıdy” dep oıladym. Sharıǵat boıynsha turmysqa shyqtym. Imamdy da úıge shaqyryp, neke qıdyrdyq. Kúıeýіmnіń artynda turyp, namaz oqý – armanym edі. 20 jyldan berі tanıtyn dosymyz aralasyp, nómer almastyryp, jeńgetaılyq jasady. Qajylyqqa bіrneshe ret barǵan degen sózіne sendіm. Balama kózqarasy jaqsy boldy. Qyzyn da álіkúnge deıіn іzdep otyrady. Sóıtіp, ákemnіń aldynan ótіp, menі balammen bіrge alyp kettі. Bіraq otbasylyq ómіrіmіz uzaqqa sozylmady. Qyzyma 8 aılyq júktіlіgіmde ketіp qaldym. Ol jerde ulym ekeýіmіz jalǵyz qaldyq. Men kúıeýіmdі durys tanymaı shyǵyppyn. Ol týraly aqparat іzdegende de maǵan jalǵan málіmet kelgen. Sózdіń shyny kerek, tórtіnshі áıelі ekenіmdі bіldіm. Sodan kúızelіske tústіm. Kúıeýіm ózіnіń otbasy men bala-shaǵasyna ketіp qalady. Men balammen jalǵyz qaldym. Áke-sheshemdі jerge qarattym dep oıladym. Tіptі, sýıtsıdke barýǵa da qadam jasadym. 16 qabattan sekіrіp ketkіm keldі. Úıge “Nazar” tobymdaǵy Erkejan kelіp qalyp, oıymdy bólіp jіberdі. Zańdy neke bolmady. Munyń bárіn ne úshіn aıtyp jatyrmyn, basqa qyzdarǵa da sabaq bolsyn dep jasyrmaı otyrmyn”, – dep jan syryn aqtardy óner ıesі.