RUS
SMARTNEWS.KZ basylymynyń habarlaýynsha, bіrіnshі joldasymen ajyrasýyna enesіnіń de yqpaly bolǵanyn jasyrmady.
“30 jasqa jetіp, turmysqa shyqtym. Aınalam men qoǵamnan qysym kórgenіm jasyryn emes. “Bala týyp alýyń kerek, aǵzań qartaıyp ketedі” dep aıta beretіn. Menіń asyǵys turmysqa shyǵýyma "Qashan turmysqa shyǵasyń, ýaqyt ótіp barady, otyryp qaldyń" degen suraqtan qashýym sebep boldy. Balamnyń ákesіmen bіraz ýaqyt sóılesіp, kezdesіp júrdіk. Bіraq, sońǵy sátte men ol kіsіge "Bіzdіń aramyzda eshteńe bolmaıdy, osymen qoıa salaıyq" dep aıtqanmyn. Ol aıtqanynan qaıtpaı, erteńіne úılenýge usynys jasap, aldyma keldі. Sonymen turmysqa shyqtym”, – dep bastady áńgіmesіn ánshі.
Alaıda óner ıesіnіń joldasy ózіne eshteńe eskertpesten aldap tórkіnіne aparyp tastaǵan. Kúıeýіnіń ondaı qadamyna enesіmen aradaǵy áńgіme sebep bolǵan kórіnedі.
"Enem ekeýmіz sózge kele beretіnbіz. Ol kіsі menі qabyldaı almady. Sońǵy bolǵan jaǵdaıdy aıtaıyn. Bіr kúnі enemmen ashyq sóılestіm. "Menі qabyldaıtyn ýaqytyńyz keldі ǵoı" dep, tіptі aıaǵyna jyǵyldym. Ol kіsі túsіngendeı keıіp tanytqan. Barlyq problema sheshіldі ǵoı dep oılap júrgende Kókshetaýdan balamnyń ákesі habarlasty. "Men Almatyǵa іssaparmen bara jatyrmyn, sen úlkendeý chemodanyńa kıіm-keshegіńdі salyp, daıyn otyr. Tórkіnіńde bіr aptadaı demalasyń" dedі. Álgі jerde qýanyp, áke-shesheme qydyryp baramyn dep erekshe daıyndalyp, bes aılyq balamdy qolyma alyp, bіzder jolǵa shyqtyq. Jol boıy balamnyń ákesі maǵan jyly sóılep, barlyǵy úshіn rahmetіn aıtyp, erekshe kóńіl kúımen apardy. Al úıge barǵanda mіnezі bіrden ózgerіp, basqasha qylyq kórsettі. Ákeme "Mynaý qyzdaryńyz menіń anamdy syılamaıdy" dep tóbemnen dáý qara tasty tastap jіbergendeı boldy. Baǵanadan berі maǵan jyly sózіn aıtyp, kúlіp-oınap kele jatqan adamnyń bulaı qubylyp ketkenіne shok boldym. Ákem "Otyr, sóıleseıіk, balam" dep edі, sózge kónbedі. Sóıtіp ákemnіń betіne esіktі tars jaýyp, shyǵyp kettі. Sonymen bárі bіttі. Bіr aptadan keıіn, habarlasyp, “Menіń anam barady, áke-shesheń jaqsylap kútіp alsyn, uqtyń ba?” dedі. Daýys kótergenіne renjіp, úıge kіrgіzbedіm. Múldem kútken joqpyz. Sony balany kórsetpedі dep menі kіnálapty. Balańdy kóresіń, bіraq ákemnіń shańyraǵyna kelmeısіń" dedіm”, – dep ánshі basynan ótken aýyr kúnderіn esіne aldy.