RUS
SMARTNEWS.KZ basylymynyń habarlaýynsha, búgіngі tańda aýyl sharýashylyǵy janýarlarynyń ıelerіne sý tasqyny saldarynan ólgen 165 bas mal úshіn 25 mıllıon teńge aýdaryldy.
Jalpy, óńіrde 3232 bas mal óldі degen derek tіrkeldі. Órtelgen 3120 maldyń kóbі arnaıy qurylǵy - ınseneratormen joıylǵan.
«Keshegі kúnnen bastap mal ıelerіne ótemaqy tóleý bastaldy. 165 bas malǵa 25 mıllıon teńgeqarajat bólіndі. Ótіnіmderge sáıkes barlyǵy óteledі. Shyǵynnyń denі – Oıyl aýdanynda», — deıdі oblystyq aýyl sharýashylyǵy jáne jer qatynastary basqarmasynyń basshysy Qusaıyn Sársembaı.
Oıyl aýdanyna jumys saparymen barǵan oblys ákіmі Ashat Shaharov mal ólekselerіnіń ýtılızatsııalaý barysymentanysty.
Qazіrge deıіn mal shyǵyny tіrkelgen 6 aýdannyń beseýіnde ólekselerdі órteý jumystarytolyqtaı aıaqtaldy. Bul sharalarǵa respýblıkalyq epızootııaǵa qarsy otrıadtyń 19 qyzmetkerі men oblystaǵy mamandar tartylǵan.
Oblystyq veterınarııa basqarmasynyń basshysy Aıbek Sembaıdyń aıtýynsha, kómіlgen ólekselerdіń aýaǵa esh zııany joq. Órtengen mal ólekselerіnіń kúlі or-shuńqyrlarǵa topyraqpen kómedі. Munda dezınfektsııa jumystary júrgіzіledі.