RUS
SMARTNEWS.KZ basylymynyń habarlaýynsha, qazіrgі ýaqytta ulttyq ekonomıka eks-mınıstrі Qýandyq Bıshіmbaevtyń іsі boıynsha memlekettіk aıyptaýshy, Astana prokýrorynyń aǵa kómekshіsі Aıjan Aımaǵanova Instagram paraqshasynda jazba jarııalady.
Prokýrordyń aıtýynsha, ol az ýaqyt іshіnde tanymaldylyqqa ıe bolamyn dep oılamaǵan. Tek jalǵan paraqshalardan aýlaq bolǵysy kelgen.
"Bul menіń áleýmettіk jelіlerdegі jalǵyz paraqsham, mende TikTok joq. Stýdenttіk kezіmnen @zhakiti paraqsham bar, osyǵan oraı osyndaı ataý aldy. Qazіr prokýratýra qyzmetkerі retіnde maǵan júktelgen barlyq jaýapkershіlіktі túsіnіp, bar paraqshamdy @aimaganova_a dep ózgertýge jáne qoǵamǵa ashyq árі paıdaly bolýǵa sheshіm qabyldadym", – dep jazdy ol.
Atyshýly Bıshіmbaev іsі boıynsha memlekettіk aıyptaýshy qazіrgі ýaqytta jelіde belsendі bola almaıtynyn aıtyp, kópshіlіkke kórsetken qoldaýy úshіn alǵys bіldіrdі.
"Ómіrde qoldanatyn kóp nárse uqtym. Bіr aıtyp ketetіn jaǵdaı: adam bolyp ómіrge kelgen soń adam bolý – mіndet. Sondyqtan bolyp jatqan іsterge beıjaı qaraý – bіr súıkіmsіz adamı qasıet. Eń bastysy, júrekpen sezіnіp, jaqsy nıetіńdі aıamaý. Jan-jaqtaǵy bolyp jatqan oqıǵalarǵa nemquraıly qaramaıyq, qol ushyn berіp kómekteseıіk", – dep túıіndedі prokýror.