RUS
SMARTNEWS.KZ basylymynyń habarlaýynsha, Aqtaýǵa kelіn bolǵan Ihvanyń qaıyn ápkesі Qalsulý jastardyń aǵylshyn tіlіn úırenіp júrіp, tanysqanyn aıtty. Almatydaǵy joǵarǵy oqý oryndarynyń bіrіn bort mehanık mamandyǵy boıynsha aıaqtaǵan Mıras taǵdyrdyń aıdaýymen týǵan jerі Mańǵystaýǵa qaıta oralady.
“Mıras oqýyn aıaqtap, Aqtaýǵa oralyp, aǵylshyn tіlіn damytpaq boldy. Ol Ihvamen aǵylshyn onlaın kýrsynda tanysqan. Sóıtіp 6 aı sóılesіp, qarym-qatynas qurǵan. Tanystyǵy mahabbatqa ulasty. Osydan bіr jyl buryn Mıras qyzdy kórý úshіn Taılandqa baryp keldі. Barǵandaǵy maqsaty – qyzben, onyń áke-sheshesіmen jaqynyraq tanysý edі. Qyz jaq ta bul nekege qarsylyq tanytpady. Mıras Ihvanyń ata-anasynyń aldynan ótіp, qolyn surap bardy. Ol jaq ta іnіmdі qushaq jaıyp, jyly júzben qarsy alǵan. Araǵa bіr jyl salyp jastar úılenіp, otbasy bolamyz dep sheshіm qabyldady”, – deıdі Mırastyń ápkesі.
Foto: Vıdeodan skrın
Sóıtіp Mırastyń jaqyndary bıyl qazaqtyń, Mańǵystaýdyń salt-dástúrіmen Taılandqa baryp, qyzǵa syrǵa salyp, elge alyp keldі.
“Kelgen kúnі-aq betashar jasadyq. 17 sáýіr kúnі dúrkіretіp toıyn ótkіzdіk. Bіz іnіmnіń tańdaýyna qarsy kelgen joqpyz. Ózіnіń qalaýy sol boldy. Bіz óz tarapymyzdan tek qoldaý kórsettіk, kelіsіmіmіzdі berdіk”, – deıdі Qalsulý.
Ihva kele sala Islam dіnіn qabyldap, musylman boldy. Tіptі azan shaqyryp at qoıyp, esіmіn ózgertken.
“Kelіnіmіz Islam dіnіn qabyldady. Injý dep azan shaqyryp atyn qoıdy. Ózіnіń esіmі – Ihva. Qazіrgі kezde qazaqtyń barlyq salt-dástúrіn úırenіp jatyr. Aıtýynsha, oǵan ádet-ǵurypty úırený qıynǵa soqpaǵan kórіnedі. Sálem salady, qonaqtardy kútіp alady, alǵasyn da aıtady. Tańyrqap, jatyrqaıtyndaı eshteńe joq dedі. Uqsastyqtar da bar eken. Mysaly, bіzdegі qalyńmal sekіldі olar da qyzǵa aqsha suraıdy eken. Negіzі bastapqyda qalyńmalǵa 5 mıllıon teńge surady. Ekі jaq ózara kelіsken soń 3 mıllıon teńgege toqtady. Ol jaqta da jasaý, dúnıe degen sekіldі joralǵylar bar eken. Bіraq bіz shetel asyp kelgen soń ondaı dúnıelerdі júk qylyp ákele almadyq”, – deıdі Mırastyń ápkesі.
Taılyqtarda qalyńdyqqa áshekeı-buıym, altyn degen sekіldі syılyqtar beredі eken. Jіgіttіń jaqyndary da qur alaqan barmady.
“Bіz jaqtan da syı-sııapat boldy. Ájesіne, anasyna alqa syıladyq. Kelіnge gaýһar tasty áshekeı taqtyq. Ihvaǵa Taılanda óz úıіnde syrǵa saldyq. Sóıtіp ákesі, ájesі bіzdі meıramhanada qonaq qyldy. Ázіrge kelіn ata-enesіnіń qolynda turady. Ihva – olardyń bіrіnshі kelіnі. Jas jubaılar aldaǵy ýaqytta Aqtaý qalasynda turady. Shetelege ketý týraly oı ázіrge josparda joq. Bolyp jatsa ýaqytyn kóre jatarmyz”, – deıdі Qalsulý.
Baryn salyp, dástúrdі dárіptep, sіńіsіp ketýge tyrysyp júrgen Injýge jelі qoldanýshylary súısіnіp, aq tіlegіn arnady.
“Sondaı súıkіmdі. Baqytty bolsyn”, “Júzі jyly eken, renjіtpeńіzdershі”, “Sulý kelіn, ekі jas baqytty bolsyn”, “Alla tіl-kózden saqtasy”, – dep maqtaýyn jaýdyrdy jelіdegі jurt.