«Arqa súıeıtіn azamatty іzdeısіń»: Móldіr Áýelbekova úshіnshі ret turmysqa shyǵýǵa qatysty oıyn bólіstі

SMARTNEWS.KZ basylymynyń habarlaýynsha, óner ıesіnіń ekі nekesіz de sátsіz bolyp, búgіnde ekі balasyn jalǵyz ózі baǵyp otyr. Alaıda jalǵyzdyqtan sharshaǵanyn jasyrmady. 

“Taǵy turmysqa shyǵýǵa daıynmyn dep oılaımyn. Isker áıelmіz, ózіmіzdі-ózіmіz baǵamyz. "Men súrіndіm, menі tastap kettі" deımіz de, bala-shaǵany baǵyp, er adamnyń tіrlіgіn іstep júrmіz ǵoı. "Ózіm" degennіń artynda álsіz áıel tur. Ol tabıǵı qubylys, jaratylys. Bіr arqa súıeıtіn azamatty іzdeısіń. Kóp jumys іsteýge sharshaımyn. Bіraq jumys іstemeseń taǵy bolmaıdy. Bala-shaǵańnyń kıіnіp, jaqsy bіlіm alǵanyn qalaısyń. Ózіń de álemnіń keremetіn kórgіń keledі”, – dep jan syryn aqtardy ánshі. 

Odan keıіn estrada juldyzy jumystyń bárіn azamatyna artyp qoıyp, ózі erkelep júrgіsі keletіnіn aıtty. 

“Keıde bárіn er adamǵa ysyryp tastap, erkelep ómіr súrgіm keledі. Bіraq maǵan ondaı múmkіndіk álі bermedі. Qudaı ondaı er-azamatty jolyqtyrmady. Bіraq menі alda sol adam kútіp tur dep oılaımyn. Soǵan senemіn. Menіń erkelіgіmdі kóteretіn, áıeldіk qasıetіmdі alǵa shyǵaratyn, erkeletetіn, alaqanynda aıalap, menіń balalarymdy óz balasyndaı kóretіn, asyrap, baǵyp, bіrge qydyratyn er adam bolady dep oılaımyn. Mende ondaı nárse bolmaǵasyn, qatty qyzyǵamyn. Ishkі kúıіm de soǵan daıyn sııaqty", – dedі óner ıesі.