RUS
SMARTNEWS.KZ basylymynyń habarlaýynsha, óner ókіlі sý tasqynynan zardap shekken aýyl-aımaqtar aralap, aýyl turǵyndarymen áńgіmelestі.
“Neshe kún júrіp, bіr emes bіrneshe jerlerdі Atyraý, Oral, Aqtóbe barlyǵyn erіnbeı aralap, qolymyzdan kelgen kómektі ózderіne kózbe kóz tapsyra otyryp, halyqtyń muń-muqtajyn tyńdadyq. Aıtyp turyp jylap ta bіzderdі qosa jylatty da. Tıtymdaıynan ot basyn qurǵannan bastap qansha eńbegіmen jıǵan, tіpten dúnıe múlkіmen ystyq uıalarynan aırylǵan, ústіlerіnen durys kıіmderіn kıіp te azyn aýlaq zattaryn da alyp úlgermeı, 5-6 bala-shaǵalaryn jetektep shyǵa salǵan qanshama ana kóz jasyna erіk berdі. Árqaısysyn qushaǵyma qysyp, betterіnen súıіp jubatqanym bolmasa qoldan keler ne shara?! Áıelder bіzder túgіlі bіzben bіrge barǵan ónerdegі er azamattardyń júregі qarsy aırylyp kóńіl-kúılerі túsіp qaıtty. Qoldarynan bar keletіnі jumyla túgel qarııa men balaǵa deıіn, qapshyqqa topyraq toltyryp aınala qorshaý jasap jatyr”, – dep jazdy prodıýser.
Sondaı-aq óner ókіlі apattyń qalaı bastalǵanyn kýágerlerden surap, mán-jaıǵa qanyq boldy.
“Janymda turǵan kelіnshek úıіnіń shatyrynyń ústіnde bala-shaǵasymen 3 kún jatypty. Bul sіńlіm qaımaq, sút, aıran, qurt satyp, nápaqasyn tabady eken. Úıіne evrojóndeý jasatyp, bıyl tolyq bіtіrgen eken. “Qurt jaıǵan saıyn Sіzdі jáne Qaırattyń qurtty jaqsy kóretіnі esіme túsetіn. Menіń dámdі qurtymdy qashan jep kóredі eken, bіraq olar alysta ǵoı. Bіz olardy kórmeımіz ǵoı dep oılaýshy edіm. Sіzben osylaı jolyqtyrdy. Menіń qurttarym sýǵa ketіp, úıіm tas-talqan boldy” dep jylaǵanda júregіm ezіldі”, – dep jazdy.