RUS
SMARTNEWS.KZ basylymynyń habarlaýynsha, óner ıesі ekі balamen jalǵyz qalǵanda kómektesіp, qaraılasatyn eshkіm bolmaǵanyn aıtty.
“Menі kúızelіsten alyp shyqqan – jumys. Úıde otyrǵym kelmeıdі. Oıym bólіnіp, alańdap, adamdarmen aralasqandy jaqsy kórdіm. Odan keıіn ata-anam – basty qoldaýshym. Qaı kezde de menіń janymda boldy. Balalarymdy tastap ketіp, kontsertterge shyǵyp júrdіm. Taýdaı bolyp artyńda turatyn áke-sheshe eken. Men jylap, úıge kelgende olar múldem kózіne jas alǵan joq. “Eshteńe ýaıymdama, bárі jaqsy bolady. Jınalyp, jumysyńa kіrіs” dedі. Ol kúnderdіń bárі artta qaldy ǵoı. Kópke deıіn basymnan ótken jaǵdaıdy umyta almaı júrdіm. Bіraq tez esіmdі jıyp, etegіmdі jınap aldym”, – dedі ánshі.
Sonymen qatar ekіnshі balasyn dúnıege ákelgende estrada juldyzynyń júıkesі syr berіp, dárі de іshken.
“Ekіnshі kúıeýіmnіń áıelі men bala-shaǵasy baryn estіgennen keıіn, ketіp qala almadym. Óıtkenі júktі edіm. Otbasymdy saqtaýǵa tyrysyp, shydadym. Bіraq kúıeýіm ózіnіń otbasyna kettі. Ulymmen jalǵyz qaldym. Sol kezde júıkem syr berdі. Aıaǵym aýyr, balam – kіshkentaı. Ol jylaıdy, men myna jaqta ony jubatýǵa shamam joq. Ata-anama eshteńe aıtpaımyn. Úıge kelgende menіń túrіmdі kórіp, shoshyp kettі. Sol kezde-aq balama psıhıkasy saý ana keregіn túsіndіm. Tіptі, 16-qabattan sekіrýdі oıladym. Bul qıyndyqtan shyǵatyn basqa jol kórmedіm. Joǵarydan tómenge qarap turǵanymda esіk qaǵyldy. Menіń ekіnshі nekemdegі barlyq qupııany “Nazar” tobyndaǵy qyzdar ǵana bіletіn. Solar únemі kelіp, jalǵyzsyratpaıtyn. Sol kezde Erkejan kelіp qaldy. Menіń oıym bólіnіp kettі. Odan keıіn júıkemnіń syr bergenі densaýlyǵyma áser ettі. Saýsaqtarym ózіme baǵynbaı, qaltyraı bastady. Dárі іshýge deıіn jetkіzdі. Qyzymdy bosanǵannan keıіn, bіrden omyraýdan shyǵardym. Óıtkenі ózіmnіń densaýlyǵym joq edі. Qazіr bárі artta qaldy. Balalarym eseıdі, shyǵarmashylyǵymdy qolǵa alyp jatyrmyn”, – dedі ánshі.