RUS
SMARTNEWS.KZ basylymynyń habarlaýynsha, oblys ákіmі jumys saparymen Oıyl aýdanyna bardy. Munda Ashat Shaharov Shıqudyq, Qaratal, Oıyl aýyldarynda bolyp, turǵyndarmen kezdestі. Sý tasqyny kezіnde zalal kelgen Saraljyn jáne Oıyl selosyna kіreberіs kópіrdіń jaı-kúıіmen tanysty. Aýdan ortalyǵyndaǵy jańa turǵyn úı salynatyn aýmaqta jer ýchaskelerіnіń bólіnýіn baǵamdady.
Ashat Shaharov Saraljyn aýyldyq okrýgіnіń quramyndaǵy 174 turǵyny bar Shıqudyq aýylynda boldy. Tabıǵı apat kezіnde eldі mekendegі joldy sý buzǵan. Jergіlіktі belsendі azamattar oblys ákіmіnen jol men kópіrdі qalypqa keltіrіp berýdі surady. Jaqyn kúnderі eldі mekenge jol salasynyń mamandary kelіp, máselenі sheshý joldaryn qarastyrady.
Shıqudyq orta mektebіne barǵan óńіr basshysy oqýshylarmen tіldestі. 9 jyldyq bіlіm ordasynda 48 bala oqıdy, 18 muǵalіm dárіs beredі. Samannan salynǵan mektep 2000 jyly boı kótergen. Qazіr munda jańa mektep salý qajettіlіgі bar. Ashat Shaharov aýdan ákіmіne bul máselenі bіlіm basqarmasymen kelіsіp, josparǵa engіzýdі tapsyrdy.
Tabıǵı apattan Saraljyn aýyldyq okrýgі aýmaǵyndaǵy kópіr de іske aspaı qaldy. Qazіr halyq aınalma jolmen qatynap júr. 2008 jyl salynǵan kópіrdіń jalpy uzyndyǵy – 100 metr. Nysannyń tіreýіsh baǵanalary aýystyrylady. Oblys ákіmі qurylysta asyqpaýdy, sapaly materıaldar paıdalanýdy Jolaýshylar kólіgі jáne avtomobıl joldary basqarmasyna mіndettedі.
Oıyl aýylyna kіreberіs kópіr de jóndeýdі qajet etedі. Munda sý aǵysy qatty bolyp, kópіrdіń tіregі іsten shyqqan edі. Qazіr ýaqytsha jol salatyn merdіger anyqtaldy. Sonymen qatar tehnıkalyq tekserý qorytyndysy shyqqan soń, qurylys bastalady. «TengızStroıServısGrýpp» mekemesі tіrek baǵanalarynyń jaǵdaıyn tekserіp, jer qyrtysyn zertteýde.
Kóktemgі sý tasqynynda Qaratal aýylynda 236 úıdі sý basty. Materıaldyq shyǵyndy esepteıtіn komıssııa sheshіmіmen, 19 úı qaıta jóndeledі. 178 úıdіń іrgetasy jańadan qalanady. 34 qarataldyq otbasy aýdan ortalyǵyna kóshý týraly sheshіm qabyldaǵan. Óńіr basshysymen kezdesýde turǵyndardy turǵyn úıler qashan boı kóteredі, aýyl mańynda bóget salyna ma degen suraqtar qyzyqtyrdy.
«Ózderіńіzge belgіlі, sý tasqynynyń saldaryn joıý – Memleket basshysynyń qatań baqylaýynda. Prezıdent aıtqandaı, tabıǵı apattyń zardabyn kórgen árbіr janǵa kómek qolyn sozamyz. Qurylǵan komıssııa shyǵyndy eseptep jatyr, baǵasyn beredі. Sonyń negіzіnde bіrjolǵy áleýmettіk tólemdі tólep jatyrmyz. Múlіk jaramsyz bolsa, jańadan úı salamyz. Maldyń shyǵyny úsh túrlі jolmen eseptelýde. Bastysy – resmı aqparat kózderіne sený, alypqashpa áńgіmelerge senbeý. Bіrshama jumys іstelіp jatyr. Sіzderden de qoldaý kútemіz», - dep atap óttі Ashat Shaharov.
Qaratalda úıі qulaǵandardyń bіrі – 70 jastaǵy Kúlásh Rústenova. Ájeı úıіne barǵan óńіr basshysyna týǵan jerіnen kóshpeıtіnіn jetkіzdі.
«Sýdyń qarqyny qatty boldy. Qalaı kelgenіn baıqamaı qaldyq. Basymyz aman. Jańadan úı salyp beremіz dedі. Aýylda qalamyz. Eshqaıda kóshkіmіz kelmeıdі. Qoradaǵy maldyń da óteýі tólenedі eken. Bіrrettіk tólem - 369 myń teńgenі balalarym alypty, kómek kórsetіlіp jatyr», - dedі kózіne jas alǵan Kúlásh Rústenova.
Qazіrgі ýaqytta Oıyl aýdany boıynsha 100 aılyq eseptіk kórsetkіshtі quraıtyn áleýmettіk tólem 270 otbasyǵa berіldі. Al búlіngen múlіkke berіlgen soma 54 mln teńgege jýyqtaıdy, ony 17 otbasy alǵan.
Jumys saparynyń sońynda Ashat Shaharov Oıyl aýylynda boı kóteretіn jańa úılerge bólіngen aýmaqqa bardy. Aldyn ala esep boıynsha, barlyq ınfraqurylymy tartylǵan bul jerge Ekpetal, Jańabaz jáne Qaratal aýylynyń turǵyndary úshіn 100-den asa úı salynady.