RUS
SMARTNEWS.KZ basylymynyń habarlaýynsha, ata-analar bul kadrlardy TikTok jelіsіne jarııalap jіbergen. Keıіn olar balabaqshaǵa polıtseılerdі shaqyryp, qujattaryn alyp ketken. Aıtýlarynsha endі tólengen tólemdі qaıtara almaı júr eken.
Derekterge saı qazіr balabaqsha da bos tur. Basshylyqtyń da, tárbıeshіnіń de qarasy kórіnbeıdі eken.
Shymkent qalasynyń bіlіm basqarmasy jarııalanǵan kadrlarda tárbıeshіnіń kómekshіsі beınelen. Oqıǵa Naýryz merekesі kezіnde bolǵan. Tárbıeshі áreketіn tek balalardyń shýlaǵanyn basý úshіn jasaǵanyn aıtyp aqtalǵan. Bul janjaldan soń tárbıeshіnіń kómekshіsі óz erkіmen jumystan shyǵyp, jeke balabaqsha meńgerýshіsі qatań sógіs alǵan.
"Jekemenshіk balabaqsha memlekettіk-jekeshelіk árіptestіk aıasynda jumys іsteıdі. 45 bala qaraýynda. Áleýmettіk jelіlerde taraǵan vıdeoda-tárbıeshіnіń kómekshіsі túsken. Onyń bіlіmі joq, ol balabaqshada 2023 jyldan berі jumys іsteıdі. Basshylyq onyń balalardy teppegenіn, tek tym shýlap ketkesіn osylaı qorqytqysy kelgenіn aıtty. Balalar fızıkalyq jaraqat almaǵan, bіraq psıhologııalyq jaraqat alǵany belgіlі boldy. Qazіrgі ýaqytta ata-analar bіzge shaǵymdanbady”,- dedі Shymkent qalasy bіlіm basqarmasynyń mektepke deıіngі mekemeler bólіmіnіń basshysy Áıgerіm Ersaeva.
Vıdeoǵa quqyq qorǵaý organdary da jaýap berdі. Shymkent qalasy polıtsııa departamentіnіń baspasóz qyzmetі fakt boıynsha tekserіs júrіp jatqanyn habarlady. Saraptamalar taǵaıyndalyp, sonyń nátıjesі boıynsha protsestіk sheshіm qabyldanatyn bolady eken.