«Otaý» baǵdarlamasy: 18 myńnan astam ótіnіsh túsken

Bul týraly «Otbasy bank» AQ basqarma tóraǵasynyń orynbasary Nurlan Aqshanov aıtty.

Bıyl naýryzdan bastap «Otbasy bankі» «Otaý» baǵdarlamasyn іske qosty. Qaryzdyń eń joǵary somasy Astana jáne Almaty qalalary úshіn – 30 mln teńge, qalǵan óńіrler úshіn – 18 mln teńge. 18 sáýіrde baǵdarlamanyń sharttaryna tolyq sáıkes keletіn 18 myńnan asa ótіnіm qabyldandy. Onyń іshіnde megapolıster men oblys ortalyqtarynan 16 myńnan asa ótіnіm (87%) qabyldandy, - dedі Nurlan Aqshanov Úkіmet otyrysynda.

Basqarma basshysy orynbasarynyń aıtýynsha, qaryz boıynsha jyldyq syıaqy mólsherlemesі – 9%, bastapqy jarna – 20%, nesıe merzіmі – 19 jyl.

Jańa turǵyn úı baǵdarlamasyna Qazaqstan azamattary nemese qandas mártebesі bar etnıkalyq qazaqtar qatysa alady. Ol úshіn «Otbasy bankіnde» kemі 18 aı jınalǵan 1 mln teńge jınaq bolýy shart, baspana bolmaýǵa tıіs nemese sońǵy 5 jylda turǵyn úı operatsııasy jasalmaǵany jón jáne sońǵy 6 aıda resmı tabysy bolýy kerek.

Astana, Almaty, Shymkent qalalarynda jáne oblys ortalyqtarynda tek bastapqy turǵyn úı satyp alýǵa ruqsat etіledі. Qalǵan óńіrlerde qaıtalama naryqtaǵy turǵyn úı satyp alýǵa bolady, - dedі tóraǵanyń orynbasary.

Sondaı-aq Úkіmet otyrysynda 1 mamyrdan bastap «Naýryz» jańa turǵyn úı baǵdarlamasynyń іske qosylatyny habarlandy. Halyqtyń áleýmettіk osal toptary úshіn jyldyq syıaqy mólsherlemesі – 7%, baǵdarlamanyń basqa qatysýshylary úshіn – 9%, bastapqy jarna – 20%, qaryz merzіmі – 19 jyl.