RUS
Bul týraly smartnews.kz saıty habarlap otyr.
Bul jaıynda «Otbasy bankі» tóraǵasynyń orynbasary Nurlan Aqshanov habarlady. Onyń sózіnshe baǵdarlamaǵa qatysý úshіn 18 naýryzdan bastap 1 myńnan astam ótіnіm kelіp tústі.
«Otaý» baǵdarlamasy Astana men Almaty qalalarynyń turǵyndary úshіn 30 mln teńgege deıіn jáne qalǵan óńіrler úshіn 18 mln teńgege deıіn qaryz berýdі usynady. Syıaqy mólsherlemesі jyldyq 9% -dy quraıdy, bul rette bastapqy jarna 20% -ǵa teń, al kredıt berý merzіmі 19 jylǵa jetýі múmkіn.
Baǵdarlama tek 18 aı boıy «Otbasy bankіnde» kemіnde 1 mln teńge jınaǵy bar Qazaqstan azamattaryna nemese qandas mártebesі bar tulǵalarǵa qoljetіmdі. Qatysýshylarda sońǵy 5 jyl іshіnde jeke turǵyn úıі bolmaýy nemese jyljymaıtyn múlіkpen operatsııalar jasalmaýy tıіs, sondaı-aq sońǵy 6 aıdaǵy resmı tabystyń qujattamalyq rastamasyn usynýy tıіs.
Sonymen qatar, Aqshanov megapolıster men oblys ortalyqtarynda tek bastapqy turǵyn úıdі, al qalǵan óńіrlerde qosalqy turǵyn úıdі satyp alýǵa bolatynyn atap óttі.
1 mamyrdan bastap «Naýryz» jańa baǵdarlamasynyń іske qosylatyny jarııalandy. Oǵan qatysý úshіn ótіnіsh bergen sátte «Otbasy bankіnde» 1 mln teńge somadan kem emes salymdardyń bolýy, sondaı-aq sońǵy 5 jyl іshіnde jeke turǵyn úıіnіń jáne jyljymaıtyn múlіkpen baılanystyoperatsııalardyń bolmaýy talap etіledі.
«Naýryz» baǵdarlamasynda halyqtyń áleýmettіk osal toptary úshіn syıaqy mólsherlemesі 7%, al qalǵan qatysýshylar úshіn - 9% quraıdy. Bastapqy jarnanyń mólsherі men qaryz merzіmі «Otaý» baǵdarlamasynyń sharttaryna uqsas bolady.
Islam Baqtybaıuly
Altynaı Daýrenqyzy