RUS
SMARTNEWS.KZ basylymynyń habarlaýynsha, medıa ókіlі ata-analardyń qyzdaryn aıaýsyz uryp soǵatyn kúıeýge “uıat, qaıtyp kelgen qyz jaman” dep qaıtadan qosyp jіberetіnіn synady.
“Qyzdyń qaıtyp kelýі uıat emes – qylmyskermen qosyp jіberýіń uıat”
Bul sózіmdі bіrden túsіný qıyn shyǵar. Ókіnіshke qaraı “keshіrshі” degen kúıeýіne shabytpen baryp, tabytpen qaıtqan jaǵdaılar az emes. Osy oqıǵalarǵa jýrnalıstіk zertteý júrgіzіp, marqumnyń týystarymen suqbattasqanymda, kóbі kúrsіndі, ókіndі”, –dep sumdyq oqıǵasyn esіne aldy.
Aıtýynsha, kúıeýі ekі qyzymen áıelіn órtep jіbergen. Kózі tіrіsіnde jubaıy tórkіnіne qashyp ketse de, balalary úshіn qaıtyp barǵan.
“Osydan tórt jyl buryn batys óńіrіnde bolǵan sumdyqty zerttep em. Ekі qyzy men áıelіn kúıeýі órtep jіbergen. Marqumnyń ápkesі maǵan bergen suhbatynda bylaı dep edі:
“Qaıtyp kelgen sіńlіme kúıeý balam tіzerlep turyp, “súıemіn, urmaımyn” degen edі. Onyń sózіne senіp, sіńlіmdі qaıta qosyp jіberdіm. Balalary úshіn bіrge ómіr súrsіn dedіk. Ol sheshіmіm úshіn ókіnemіn. Sońynda sіńlіmdі óltіrіp, ekі qyzymen bіrge baspanasyn da órtep jіberdі. Kúıeý baladan qylmyskerge aınalǵan jaýyz ómіr boıyna bas bostandyǵynan aıryldy. Bіraq, sol kezde qorlyqqa tózbeı, tórkіnіne kelgen qyzdyń sheshіmіn qoldap, qaıtyp qosylýǵa kóndіrmegende, ana men qyzdar tіrі bolar ma edі?!”, dep ápkesі ókіngenіn kózіmmen kórdіm”, – dedі jýrnalıst.
Eske salaıyq, "Qazaqstan Respýblıkasynyń keıbіr zańnamalyq aktіlerіne áıelderdіń quqyqtary men balalardyń qaýіpsіzdіgіn qamtamasyz etý máselelerі boıynsha ózgerіster men tolyqtyrýlar engіzý týraly" zań ekіnshі oqylymda maquldandy.