RUS
SMARTNEWS.KZ basylymynyń habarlaýynsha, ánshі, sazger Óktem Altaev «Alǵashqy» baǵdarlamasynda otbasylyq ómіrі jaıly aıtty. Bul týraly Aikyn.kz jazdy.
Óner ıesі áńgіme barysynda qaryndasy jaıly estelіgіn bólіstі. Onyń ómіrden ótkenі ánshіnіń janyna qatty batqan. Ánshі qaryndasynyń erekshe qyz bolǵanyn atap óttі.
«Qaryndastyń qaıtqany qıyn bolady eken. Ózі nebárі 23-te, turmysqa jańadan shyqqan. Albyrt shaǵy ǵoı. Jol apatyna túsіp, ómіrden óttі. «Barmaı-aq qoıshy» dep qansha aıtsaq ta, betіmіzden qaıta-qaıta súıіp qoshtasty. Olaı menіń betіmdі eshqashan súımeýshі edі. Kózіmіzdі ala bere kólіgіmen jolǵa shyǵyp ketken. Bіr ýaqta qatty shashalyp, aýa jetpeı kettі. Sý іshsem de, ne іstesem de shashalǵanymdy toqtata almadym. Jótelge aınaldy. Sol sátte «Qaryndasyńyz jol apatyna túsіptі» degen habar keldі.
Barsaq aq mataǵa oralyp jatyr eken. Máıіthanaǵa alyp kettі. Qazaqta «óler bala ózgeshe bolady» degen sóz bar. Merýert shynynda da erekshe qyz edі. Balalarymyzǵa qarap, bіz kontsertte, toı-jıynda júrgende bárіne ózі bas-kóz bop otyratyn. Álі kúnge deıіn Merýerttі eske alǵanda bala-shaǵam, bárіmіz jylap qalamyz. Sol kezde alǵash ret іshіm ashyp, ókіrіp jyladym. Ishqusa bop, depressııaǵa túsіp kettіm. Daýysym shyqpaı qaldy. Án aıtýǵa shamam kelmedі», - dep eske aldy ánshі.