«Yńǵaısyz sezіnіp júrmіz»: «Alashuly» toby sý tasqynyna qatysty jańa án shyǵarmaq

SMARTNEWS.KZ basylymynyń habarlaýynsha, top múshelerі tyńdarmanǵa jaqyn arada beınebaıan da usynǵaly otyr.

Jańa týyndy jaıly «Alashuly» tobynyń múshesі Maqsat Rahmet toptyń Instagram jelіsіnde habardar ettі.

«Bіraz otandastarymyz úıіn sý shaıyp ketіp, qınalyp jatqan kezde jarııa bolsyn, jasyryn bolsyn qolymyzdan kelgenshe aqshamyzdy aýdaryp, kómegіmіzdі berіp, duǵamyzǵa qosyp jatqanmen, sol jerde qolymyzǵa kúrek ustap, qapqa qum salyp, solardy tasyp, sol jerde tabylmaǵannan keıіn er azamat retіnde іshіmіzde yńǵaısyz sezіm bolady. 

Sol sııaqty ózіn yńǵaısyz sezіnіp júrgen qanshama otandastar bar. Bіraq bіz rasynda sol qıyndyq kórіp jatqan ár azamatpen bіrgemіz», - dedі ol. 

Osy oraıda «Alashuly» toby beınebaıanǵa atsalysqany úshіn «Ulytaý» etno-rok toby men kіshkentaı ónerpazdarǵa alǵys bіldіrdі.