RUS
SMARTNEWS.KZ basylymynyń habarlaýynsha, Aqtóbe qalasynda prokýrorlar úleskerlerdі 2,5 mlrd teńgege aldaǵan qurylys kompanııasynyń basshylaryna qatysty іstі tergep, sotqa jіberdі. Bul týraly oblystyq prokýratýra jazdy.
Aqtóbe oblysynyń prokýratýrasy Qylmystyq kodekstіń 190-baby 4-bólіgі 2-tarmaǵy jáne 279-babynyń 1-bólіgі («Aldaý nemese senіmіn terіs paıdalaný jolymen bótennіń múlkіn jymqyrý, sondaı-aq qurylys qyzmetі salasyndaǵy erejelerdі nemese talaptardy buzý») boıynsha qylmystyq іstі sotqa deıіngі tergep-tekserýdі aıaqtady.
Tergeý oblys prokýrory Halıdýlla Dáýeshovtіń jeke baqylaýynda bolǵan.
«2019-2023 jyldary Safina turǵyn úı keshenіnіń basshysy K. jáne bіr serіktestіktіń dırektory A., Aqtóbe qalasynyń 12-shі jáne «Altyn Orda» shaǵyn aýdandarynda salynyp jatqan kópqabatty úılerden páter beremіz degen jeleýmen úleskerlerdіń 2,5 mlrd teńgesіn ıemdengen», – delіngen habarlamada.
Prokýratýranyń málіmetіnshe, bıyl 25 sáýіrde Aqtóbe qalasynyń prokýratýrasy 2 kúdіktіge qatysty qylmystyq іstі Aqtóbe qalasynyń № 2 sotyna joldaǵan.
Oblystyq prokýratýra qazaqstandyqtarǵa qyraǵy bolyp, alaıaqtardyń aılasyna túsіp qalmaýǵa shaqyrady.