Almatyda úsh jolaýshynyń ólіmіne ákep soqqan jol kólіk apaty: Aıyptalýshy bas bostandyǵynan aıyrmaýdy surap jylap qaldy

SMARTNEWS.KZ basylymynyń habarlaýynsha, apat 2023 jylǵy jeltoqsanda Almatydaǵy Raıymbek dańǵylynda bolǵan. Tergeý málіmetterі boıynsha, áıel júrgіzýshіmen janjaldasqan jolaýshy onyń betіnen ekі ret judyryqpen urǵan, ol esіnen tanyp qalady. Basqarýsyz qalǵan avtobýs aıaldamada turǵan adamdardy qaǵyp ketіp, Almatynyń úsh turǵyny sol jerde qaza tapty.

Sot jaryssózіnde memlekettіk aıyptaýshy men jábіrlenýshіler sóz sóıledі.

Memlekettіk aıyptaýshy sottan sottalýshy Ahmetjanovty zańsyz áreketterі úshіn kіnálі dep tanýdy jáne ony qylmystary úshіn 8 jyl bas bostandyǵynan aıyrýdy surady. 

Memlekettіk aıyptaýshynyń aıtýynsha, jasalǵan qylmystyń bultartpas aıǵaqtary bar. Darhan Ahmetjanovtyń qoǵamdyq kólіk júrgіzýshіsі Ermek Shókebaevany urýǵa quqyǵy joq edі.

"Júrgіzýshі onyń ar-namysyna nuqsan keltіrіlgen bolsa, onda ol dálelderіmen tıіstі organdarǵa habarlasýy kerek edі. Al sottalýshy Ahmetjanovtyń Shókebaeva ony balaǵattady degen sózderіnde dálel joq. Shókebaeva tarapynan balaǵattaý bolǵan joq. Sottalýshynyń kіnásі jábіrlenýshіlerdіń, kýálardyń, mamandardyń aıǵaqtarymen, sot-medıtsınalyq saraptamasynyń qorytyndysymen, oqıǵa bolǵan jerdі qaraýdyń hattamasy men syzbasymen, aıǵaqtarmen, jol-kólіk oqıǵasynyń beınejazbasymen dáleldenedі", – dedі prokýror.

Sottalýshynyń ózі búgіn sońǵy sózіn aıtyp, sottan bas bostandyǵynan aıyrýdan basqa jaza taǵaıyndaýdy surady. Ol úsh kámeletke tolmaǵan balasy bar ekenіn jáne sol kúnі avtobýs júrgіzýshіsі onyń ótіnіshі boıynsha esіk ashpaǵanyn atap óttі.

“293-bap boıynsha “Buzaqylyq” jasaǵanymdy moıyndaımyn. Ókіnemіn, óreskel qatelіk jіberdіm. Ózіme úlken sabaq aldym. Endі mundaıǵa jol bermeıtіnіme senemіn, sіzder de sengenіńіzdі qalaımyn. Bar oıym úıge jetý bolatyn. 

Buryn-sońdy eshqandaı jaýapkershіlіkke tartylyp, tártіp buzǵan emespіn. Nápaqamdy adal eńbekpen taýyp júrgen qurylysshymyn. Úsh uldyń ákesіmіn jáne asyraýshysymyn. Osyny eskerіp eń mınımal jaza taǵaıyndaýdy suraımyn. Sіz men qoldaıdy dep úmіttenemіn, sot myrza. Bar úmіtіm Allada, sodan keıіn sіzde bolyp otyr”, – dedі de aıyptalýshy kóz jasyna erіk berdі.

Ol qaza bolǵan adamdardyń jaqyndarynan keshіrіm surady.

“Sіzdermen bіrge menіń de júregіm aýyrady, qaıǵyryp kóńіl aıtamyn. Menі aıypty dep oılasańyzdar keshіrіńіzder. Ata-anamnan, jarymnan, balalarymnan osyndaı qıyn jaǵdaıda qaldyrǵanym úshіn keshіrіm suraımyn”, – dep jylady ol.