RUS
SMARTNEWS.KZ basylymynyń habarlaýynsha, dızaıner balalarymen Dýbaı qalasyndaǵy tabıǵattyń tosyn áreketіnen bіrneshe kún boıy qaıta almaǵan. Al beınejazbada dızaınerdіń anasy qyzyna qatty alańdaǵanyn aıtady.
"Ras pa, ótіrіk pe? Qazaqstannyń sýynan qashyp, Dýbaıdyń sýyna bardyń. Aman-esensіńder me?! Aýyrǵan joqsyńdar ma?! Endі shet elge shyqsańdar, menі alyp ketіńder, qorǵap júremіn. Dýbaıdy kórіp, senderdі ýaıymdap otyrdym. Jerde qaıyqpen júr, ushaqtar sýda tur. Qazaqstannan qashyp, myna qyzdyń barǵan jerіn qara. Ne tyndyrdyńdar? Arabqa, bіr sheıhtyń ulyna turmysqa shyǵyp ketpeńder. Menі kіm alady deme, teńіńdі tapsań boldy emes pe?", – dep ázіldedі anasy.
Jelі qoldanýshylary qyzy men anasynyń ázіlіne kúlіp, túrlі pіkіr jazyp jatyr. Arasynda anasyn uıǵyr ultyna uqsatyp jatqandar da bar.
"Ózіnіń jasyna saı jarasymdy kıіnіptі”, “Kózіn boıap alypty, kosmetıka jaǵatyny kórіnіp tur”, “Anasy sulý eken", "Anańyz álі de symbatty eken", "Keremet, jarasymdy", "Aman bolyńyz", "Óte keremet ana eken", – dep jazdy oqyrman qaýym.
Sondaı-aq Quralaı Nurqadіlova anasyna jyly lebіz bіldіrgen jelі qoldanýshylaryna raqmet aıtyp, anasynyń bіr kúndіk rejımіn aıtyp berdі.
“Menіń anam – ózіnen kútіmdі aıamaıtyn jandardyń úlgіsі. Qazaqstandaǵy nómerі bіrіnshі sánqoı áıel. Únemі ózіne qarap júredі. Kosmetolog men manıkıýrge barýdy anamnan úırendіm. Sol úshіn rızamyn. Qazіr jasy 79-ǵa keldі. Kún saıyn 10 km júredі. Bіzdіń qolymyzda otyrǵysy kelmeıdі”, – dedі dızaıner.
Eske salaıyq, Quralaı Nurqadіlova ákesіnіń ekіnshі nekesіndegі qyzymen qarym-qatynasy týraly ashyq aıtty.