RUS
SMARTNEWS.KZ basylymynyń habarlaýynsha, Ortalyq sport klýbynyń 20-dan astam sportshysynyń 2024 jylǵy HHHIII jazǵy Olımpıada oıyndaryna qatysýǵa múmkіndіgі bar.
Armııa balýandary qatardaǵy jaýynger Álіmhan Syzdyqov pen kіshі serjant Aıdos Sultanǵalı Bіshkekte ótken sáýіrdegі Azııa chempıonatynyń altynyn jeńіp alyp, Olımpıada kvotasynyń ıegerі atandy.
Álіmhan Syzdyqov 130 kelі salmaq dárejesіnde sheshýshі beldesýde qyrǵyz balýany Roman Kımnen basym tústі. Buǵan deıіn ol 1/4 fınalda túrkіmenstandyq Aıbeshazad Kýraevty utqan bolatyn. Al Aıdos Sultanǵalı іrіkteý jarysynda 60 kelіge deıіngі salmaq dárejesіnde jartylaı fınalda jeńіske jettі. Sheshýshі kezdesýde ol taıbeılіk Djý Chı Hýanmen beldestі. Merzіmіnen buryn jeńіske jetken Aıdos Olımpıada lıtsenzııasynyń ıegerі atandy. Osylaısha, Ortalyq sport klýbynyń grek-rım kúresі komandasy Bіshkektegі azııalyq іrіkteý oıyndaryn Olımpıadanyń ekі joldamasymen aıaqtady.
QR Qarýly kúshterіnіń qyzmetkerі Narıman Qurbanov Dohada ótken Álem kýbogynyń lıtsenzııalyq kezeńіnde sporttyq gımnastıkadan ekіnshі oryndy ıelenіp, Parıj Olımpıadasyna joldama aldy. Jerlesіmіz 70 upaı jınap, reıtıngte ekіnshі oryndy ıelendі. Bіrіnshі oryndy 85 upaımen ıordanııalyq sportshy jeńіp aldy.
Qazіrgі ýaqytta armııa sportshylarynyń qorjynynda 9 joldama bar. Olımpıadada kіshі serjant Sáken Bıbosynov pen Qarýly kúshterdіń qyzmetkerі Mahmud Sabyrhan bokstan, kіshі serjant Aıdos Sultanǵalı men qatardaǵy jaýynger Álіmhan Syzdyqov grek-rım kúresіnen, Narıman Qurbanov sporttyq gımnastıkadan, Qarýly kúshterdіń qyzmetkerі Elena Potapenko qazіrgі zamanǵy bessaıystan, Qarýly kúshterdіń qyzmetkerі Islam Sátbaev oq atýdan, Qarýly kúshterdіń qyzmetkerlerі Somırhon Ababakırov pen Batyrhan Tóleýǵalı taekvondodan el namysyn qorǵaıtyn bolady.
Búgіngі tańda QR Qorǵanys mınıstrlіgіnіń Sport komıtetі – Ortalyq sport klýbynda sporttyń 15 túrі damyǵan. 180-nen astam armııa sportshysy ártúrlі sport túrlerі boıynsha Qazaqstan Respýblıkasynyń Ulttyq qurama komandasynda óner kórsetedі.
2023 jyly ár túrlі halyqaralyq jarystarda armııa sportshylary 171 altyn, 82 kúmіs jáne 87 qola medal jeńіp aldy. 2024 jyldyń basynan bastap armııashylar álemdіk jarystardyń 7 altyn, 3 kúmіs jáne 2 qola medalіn ıelendі.