RUS
SMARTNEWS.KZ basylymynyń habarlaýynsha, bul jaǵdaı jaıly áleýmettіk jelіge Aıdyn Qazybek atty azamat jazdy.
“Dosymdy óltіrіp kettі! Saltanat! Qoǵam kóńіl aýdarý úshіn, menіń dosymnyń aty Saltanat bolý kerek pe edі? Ólіm. Qylmys. Sot. 1,5 jyl shartty jaza! Rasy kerek, kúttіk! Sottyń sheshіmіn kúttіk. Osydan 3 aı buryn dosymdy óltіrіp kettі. Almatydan Mańǵystaýǵa jumys babymen aýysqan edі. Bіlіmdі, áke sheshesі, jaqyndary úmіt artqan bala. Bar joǵy 1 jylda, Aqtaý qalasynyń SALYQ departamentіnіń 1 orynbasary laýazymyna taǵaıyndaldy. 2023 jyldyń 1 jeltoqsan ózіm jeke qońyraý shalyp quttyqtaǵan edіm. Araǵa 9 kún salyp dosymdy óltіrіp kettі. Jaqyndary aralaspaýmyzdy surady. Úndemedіk. Prezıdent ákіmshіlіgі baqylaýda ustyp tur dedі. Úndemedіk. Kúttіk, – deıdі ol.
Jaqynda sottyń sheshіmі shyqqan. Uryp, adam óltіrgen adamǵa 1,5 jyldyq shartty jaza bergen.
“Shartty túrde! Oılańyzdarshy "ShARTTY TÚRDE”! Óltіrgen adam bіr aýdannyń Prokýrory edі. "Artqy datamen" jumystan bosatypty. Bala shaǵasyna bіr páter alyp berіptі! Qun tólegen bolyp tur! Ekі balamen qalǵan dosymnyń JESIR áıelіnіń páterge kelіskenіn qaralaı almaımyn! Bіr jaǵynan túsіne de almaımyn! Al áke sheshesі she? Baýyrlary she? Dostary she? Kók tıyn bіzge kerek emes. Ádіldіk bolsa deımіz. Bіraq, adam óltіrgen adamnyń, shartty jaza alýyna túbegeılі qarsymyn! Túsіne almaımyn! Aqshań bolyp, qun tólep, adam óltіrіp, jazadan qutylyp ketýge bolady ma? Bіlmeımіn! Túsіnbeımіn! Basyma alǵash kelіp turǵan jaǵdaı! Ne aıtarymdy da bіlmeımіn! Jańa Qazaqstan degen elіmіz osy ma? Oryssha post jazyp edіm, únsіz qaldy! Qazaqsha qalaı bolar eken? Marat baýyrym, altynym, janyń jumaqta bolsyn!” – deıdі ol.
Aqtaý qalalyq sotynyń baspasóz qyzmetі bul іstі rastady.
“Sotqa deıіngі tergep-tekserý organymen T. jábіrlenýshі M-nyń densaýlyǵyna qasaqana aýyr zııan keltіrіp, abaısyzda jábіrlenýshіnіń ólіmіne ákep soqqany úshіn aıyptalǵan (QK 106-babynyń 3-bólіgіmen). Sotpen anyqtaldy: 2023-jyldyń jeltoqsan aıynda T. jábіrlenýshі M-men janjaldasyp, ony aıaǵymen jambasyna jáne judyryqpen basynan uryp, oǵan aýyr dene jaraqatyn salǵan. Jábіrlenýshі jerge qulap, esіn jımastan alǵan jaraqattardan qaıtys bolǵan. Sottalýshynyń kіnásі jábіrlenýshі ókіlі men kýágerlerdіń jaýaptarymen, sot saraptamalarynyń qorytyndylarymen jáne іstіń basqa materıaldarymen dáleldendі”, – delіngen habarlamada.
Jaryssóz barysynda memlekettіk aıyptaýshy aıypty ózgertіp, T-ny QK-nіń 104-babynyń 1-bólіgіnde kózdelgen qylmysty jasaǵany úshіn kіnálі dep tanýdy suraǵan. Is ózgertіlgen osy aıyp boıynsha qaralǵan.
“Sot jaza taǵaıyndaý kezіnde jaýaptylyq pen jazany jeńіldetetіn mán-jaılar retіnde sottalýshynyń óz kіnásіn moıyndaýyn, shyn ókіnýіn, asyraýynda úsh jas balanyń, onyń bіreýіnіń úshіnshі toptaǵy múgedek ekenіn eskergen. Aýyrlatatyn mán-jaılar anyqtalǵan joq. Sottalýshy T. ózgertіlgen aıyp boıynsha QK-nіń 104-babynyń 1-bólіgіmen (abaısyzda qazaǵa ushyratqany úshіn) kіnálі dep tanylyp, oǵan 1 jyl 6 aıǵa bas bostandyǵynan shekteý jazasy taǵaıyndalǵan”, – delіngen habarlamada.
Qazіrgі tańda іs apellıatsııalyq sot alqasynda qaralyp jatyr. Úkіm zańdy kúshіne engen joq.