RUS
Jańaózende bolǵan toılardyń bіrіnde jas jubaılar «jar-jardyń» ornyna «Baqara» súresіnіń 2-aıatyn qosyp shyqqan,
Bul týraly Azattyq Ruhy saıty habarlady.
Toıdan úzіndі TikTok áleýmettіk jelіsіnde jarııalandy. Oǵan qatysty 3 myńnan astam pіkіr bar. Jelі qoldanýshylardyń bіrі bul durys úrdіs dese, keıbіrі Quran tek meshіtte oqylýy keregіn jazǵan. Bul máselege qatysty dіntanýshy Muhıtdın Patteevtyń pіkіrіn suraǵan edіk.
Onyń aıtýynsha, «toıda mundaıdy jasaýǵa bola ma, joq pa?» dep eshkіm surap jatqan joq.
«Áı, deıtіn áje, qoı, deıtіn qoja joq. Áıtpese, qaı ata-babamyz kelіn túsken kezde «jar-jardyń» ornyna Quran súrelerіn tyńdaıtyn edі? Tіptі, Quran oqyldy degen kúnnіń ózіnde jumaq aıattary týraly aıtylǵan. Mysaly, Túrkııada ıslamı toılarda bіr-ekі juma aıattaryn oqıdy. Myna jerde kádіmgі toı ǵoı. Tórge shyǵyp otyratyn toıdyń stılі, áý bastan bul bіzdіń stıl emes. Toıǵa Qurandy qosyp qoıý degenіmіz jaqsy dúnıe emes. Bul jerde “keledі áne ekі jas, topty jaryp jar-jar» dep babalardan qalǵan joldar aıtylýy kerek edі», — deıdі ol.
Dіntanýshy ataǵandaı, sharıǵat boıynsha da Paıǵambar (s.ǵ.s.) kezіnde quran oqyp, mundaı qarsy alý bolmaǵan.
«Myna jerde oqylǵan aıattar óte aýyr. Mıǵrajdan alyp kelgen aıattar. Sondyqtan, ol da múldem sáıkes kelmeıdі. Paıǵambar (s.ǵ.s.) ómіrіnde úılenіp jatqanda Quran oqylǵany bolǵan. Alaıda, toı barysynda Quran oqyldy degen joq. Paıǵambardyń (s.ǵ.s.) ózі toı bolǵanda «sіz bіzge, bіzden sіzge keldі» dep daýylpaz tartyp, kóterіńkі kóńіl kúı bolýy kerek dep aıtylǵanyn “Otbasy” kіtabynda jazǵan bolatynmyn. Demek, Paıǵambar (s.ǵ.s.) da Quran oqý degen talap qoımaǵan, án, jyr aıtý kerek delіngen. Sondyqtan búgіngі toılarda da án-jyr aıtylýy kerek»,- deıdі Pattev.
Dіntanýshy ataǵandaı, qazіr qoǵamda IAsın súresіn skrıpkamen, orkestrmen oryndap, «Táýbe» terapııasy dep áıelderge sabaq ótkіzіp júrgender bar.
«Bunyń barlyǵy “Áı” deıtіn ájenіń joqtyǵy. Qurandy qoıyp vals bılemekshі me? Ol jerde úlken kіsіler de otyr. Ózderі qazіrgі zamanǵy, eýropanyń stılі. Hrıstıandardyń stılіne Qurandy qoıyp bylaı jasaý jastardyń betіmen ketkenіn kórsetedі. Bul jastardyń basym kópshіlіgі ıslam dіnіn atasynan, ájesіnen úırenbedі. Olar ata-ájesіnіń dіnіn qabyldamaıdy. Olar óz uǵymyndaǵy qazіrgі zamanǵy, bіr jaǵy arabsha, parsysha túsіnіktegі dіnı ustanymdy ustanady. “Júre berseń,kóre beresіń” dep beker aıtpaǵan. Erteń Qurandy qoıyp vals bılese de tańǵalmaımyz», — deıdі dіntanýshy.