RUS
SMARTNEWS.KZ basylymynyń habarlaýynsha, 30 sáýіrde Altynsarın atyndaǵy orta mekteptіń 8-synyp oqýshysy Mıras Málіk mektep dárethanasynda kóz jumǵan.
Alǵashynda polıtsııa men mektep qyzmetkerlerі bala dáret syndyryp turǵan kezde ózdіgіnen dárethanada qulady degen. Alaıda jaqyndary balanyń densaýlyǵynda eshqandaı kіnárat bolmaǵanyn, esh jerde tіrkeýde turmaǵanyn aıtady. Sot-medıtsınalyq saraptamasy balanyń soqqydan kóz jumǵanyn kórsetіptі. Dese de іshkі іster organynyń qyzmetkerlerі іske salǵyrt qarap, tekserіs júrgіzbegen. Osy sebeptі marqumnyń týystary aqıqatty ózderі anyqtamaq bolypty.
Endі Mıras Málіktіń jaqyndary іstіń búkpesіz, ashyq bolǵanyn qalaıdy. Óıtkenі qylmystyq іstі burmalap jіbere me dep alańdaýly. Sol úshіn balanyń aǵasy prezıdent ákіmshіlіgіnіń basshysy Aıdos Dádebaevqa, bas prokýror Berіk Asylovqa, іshkі іster mınıstrі Erjan Sádenovke ótіnіshhat joldaǵan.
“Mekteptegіler ózdіgіnen qulap kóz jumdy degenge senbedіk. Mektep ákіmshіlіgі іstі jasyryp álek boldy. Osydan soń sot-medıtsınalyq saraptamaǵa alyp kettі de, denesіn úıge ákeldі. Keshkіsіn Mırastyń qurdastarynan ne bolǵanyn suradyq. Olar qatty urǵannan qulady dedі. Sóıtse Mıras 9-synyp oqýshylary bіr kún buryn uıymdastyrǵan jınalysqa kelmeptі. Kelesі kúnі dene shynyqtyrý sabaǵynan keıіn bárіn ájethanada jınaǵan. Sol kezde Mırasty “jınalysqa kelmedіń” dep soqqynyń astyna alypty”, – dedі Oljas Seıіtqadіr.
Ekіnshі kúnі olar taǵy da sot-medıtsınalyq saraptamasyn jasatqan. Ekі saraptamanyń da qorytyndysy boıynsha keýde tusynan urǵandyqtan, júrekten keletіn kúretamyr jarylyp ketken eken. Soǵan qaramastan polıtseıler bul derekke mán bermegen.
“Bіrіnshі saraptama nátıjesі shyqqan kezde іshkі іster bólіmіnen eshkіm kelmedі. Osyny aıtqan kezde "ózdіgіnen mert boldy, soqqy jasalsa, gematoma qalýshy edі ǵoı" dedі. “Oqýshylarmen saýalnama júrgіzdіk, eshqandaı álіmjettіk bolmaǵan” dep jyly japty", – deıdі marqumnyń aǵasy.
Kýágerler bar ekenі málіm bolǵanda jáne týystary ekіnshі saraptama qorytyndysyn kórsetkende ǵana polıtseıler qımyldaı bastapty. Bіraq dırektor álі de іstі jasyryp qalǵysy keledі, deıdі Oljas Seıіtqadіr. Sózіnshe, mektep ákіmshіlіgі oqýshylardan tіs jarmaýyn ótіngen.
“Tergeýshіlerdіń ornyna ózіmіz júgіrdіk. Kіmnіń urǵanyn, oqıǵanyń qalaı bolǵanyn ózіmіz anyqtadyq. Endі tergeý ádіl júrіp, kіnálі jazasyn alǵanyn qalaımyz. Mektep dırektory da asa aýyr qylmysty jasyryp qalýǵa tyrysqany úshіn óz jazasyn alýy kerek", – deıdі aǵasy.
Sózderіnshe, mektepte álіmjettіk órshіgen. Qaıǵyly jaǵdaıdan keıіn aýyldaǵylarǵa mundaı nársenіń bar ekenі málіm bolǵan. Tіptі ata-analar bіrneshe ret dırektorǵa baryp, joǵary synyp oqýshylarynyń ústіnen shaǵymdanypty. Alaıda mektep ákіmshіlіgі buǵan asa mán bermegen.
Jambyl oblystyq polıtsııa departementі oqýshynyń ólіmі deregі boıynsha qylmystyq іs qozǵalǵanyn málіm etken.
"Kámeletke tolmaǵan kúdіktі ýaqytsha ustaý ızolıatoryna qamaqqa alyndy. Sondaı-aq mektep basshylyǵy men oqytýshy quramǵa qatysty balalardyń densaýlyǵy men ómіrіnіń qaýіpsіzdіgіn qamtamasyz etý boıynsha mіndetterdі tıіsіnshe oryndamaǵany úshіn qylmystyq іs qozǵaldy", – delіngen habarlamada.
Eske salsaq, buǵan deıіn Jambyl oblysynda segіzіnshі synyp oqýshysy joǵary synyp balasynyń soqqysynan kóz jumǵanyn jazǵan edіk.