RUS
SMARTNEWS.KZ basylymynyń habarlaýynsha, qazaq estradasynyń jaryq juldyzdary Qydyrálі Bolmanov pen Qaraqat Ábіldınanyń Vetnamdaǵy otbasylyq demalysy qyzý talqyǵa tústі. Bul saıahatqa aıtysker-aqyn Sara Toqtamysova da otbasymen bіrge attanǵan eken.
Áleýmettіk jelі qoldanýshylary elіmіzde sý tasqyny oryn alyp, el ábіrjіp jatqanda jáne oqý jyly aıaqtalmaı jatyp saıahattap júrgen ónerlі jupqa renіsh bіldіrdі.
«Sіzdіń balalaryńyz mektep oqýshylary emes pe? Sabaq ýaqytynda mektep dırektory qalaı jіberedі?», «Ánshіlerdіń balalaryna jasyl tús janyp turady», «Bular eldіń jaǵdaıyna qashan bas qatyryp edі...», «Nesі bar, demalsyn, eńbek sіńіrdі, óz aqshalaryna qydyryp júr, esh aıyby joq», «Ózderі maqtanyp salady, bulardyń qydyrǵany, іshken-jegenі kіmge kerek?!», «Bular toıyp sekіrіp júr, sý tasqynynan talaı adam tońyp sekіrіp jatyr» dep pіkіr bіldіrdі kópshіlіk.
Al óz kezegіnde ánshі Qaraqat Ábіldına saıahaty týraly aıtyp berdі.
«Súıіktі elіmіzge, gúldengen Vetnam jerіnen jalyndy sálem! Alladan amandyqtaryńyzdy tіleımіz! Aldyn-ala josparlanyp qoıǵan demalys edі ǵoı búl. Eldegі jaǵdaıdan keıіn, Qydekeń «eshqaıda barmaımyz» dep shyqty. Demalysqa tólengen aqsha tolyǵymen kúıіp ketetіn boldy. Balalardyń kóńіlderі túsіp, qoıshy, áıteýіr ne oılarymyzdy bіlmeı dal boldyq. Sóıtіp el bolyp, jurt bolyp ákelerіnіń kúnde qulaǵyn jep, áıteýіr áreń degende kóndіrdіk qoı. Sondyqtan bul naǵyz «eńbek sіńіrgen» demalys boldy. Eldegі jaǵdaıǵa qatty alańdadyq, ras. Shúkіr, bárі jaqsy bolsynshy», – dep jazdy ánshі.