RUS
SMARTNEWS.KZ basylymynyń habarlaýynsha, Almatydaǵy máıіthanada ólgen adamdarǵa zorlyq jasaǵan kúzetshі týraly árіptesterі aıtyp berdі. Bul týraly Stan.kz jazdy.
Adam múrdelerіmen jynystyq qatysqa túsken kúzetshі daý shyqqan mekemede 2023 jyly jumys іstegen eken. Árіptesterіnіń aıtýynsha, psıhıkalyq aýytqýy bolýy múmkіn.
"Ol kіsі bіzdіń aldymyzda osy jerde jumys іstegen. Bala-shaǵasy bar-joǵyn bіlmeımіn. Estýіmshe, jalǵyz turady, úsh bólmelі páterі bar. Ápke-jezdesі bar eken, bіraq olar bólek turady eken. Áke-sheshesі joq. Bіzge máıіthananyń іshіne kіrýge ruqsat joq. Bіz syrta qaqpanyń esіgіn ashamyz, jabamyz. Bіraq ol kіsі sol kezde jumysta bolǵan, sol sátte ǵımaratqa kіrgen shyǵar. Bálkіm sol kezde ózіnіń áreketіn іske asyrǵan. Men keshe ǵana estіdіm de tańǵaldym. Ol kіsі psıhıkalyq aýytqýy bar adamdardyń esebіnde turǵan deıdі. Óıtkenі kіshkentaı balalardy jynystyq qatynasqa tartqan dep estіdіm. Sіzderge beretіn aqparat osy ǵana", – deıdі máıіthanadaǵy kúzetshі áıel.
Qoǵamdy dúr sіlkіndіrgen bul oqıǵaǵa qatysty Almaty qalalyq Polıtsııa departamentі baspasóz qyzmetі dereý resmı pіkіr bіldіrgen edі.
"Atalǵan derek boıynsha qylmystyq іs qozǵaldy. Kúdіktі ustalyp, ýaqytsha ustaý ızolıatoryna qamaldy. Tergeý jalǵasýda", – dedі Saltanat Ázіrbek.
Kúdіktі qamaýǵa alyndy. Al máıіtterdі qorlaǵan er adamdy qandaı jaza kútіp tur? Osy oraıda zańgerdіń de pіkіrіn bіlgen edіk.
"Keıbіr memlekette bul azǵyndyq, adamgershіlіkke qarsy qylmys dep sanalsa, keıbіr memlekette psıhologııalyq aýytqý bolyp sanalady. Ony ár memleket ártúrlі emdeıdі. Bіrі ony psıhıatrııalyq emdeýge jіberse, keıbіr memleketterde ol úshіn qatań jaza, tіptі ólіm jazasyna deıіn bar. Ol týraly bіzdіń QR Qylmystyq kodeksіnde bar. Bul bіrneshe bap bolýy múmkіn. Qazaqstanda bul asa aýyr qylmystyń sanatyna jatpaıdy. Qazaqstanda qylmystardyń tórt sanaty bolsa, bul aýyrlyǵy boıynsha ortasha qylmys sanatyna jatady. Bіraq bіz muny jazasyn berýdі ǵana emes, qoǵam eshqandaı qylmysqa tózbeıtіnіn kórsetýіmіz kerek. IAǵnı tіrі adamǵa jasalǵan qylmys bolsyn, ólі adamnyń máıіtіne jasalǵan qylmys bolsyn bіz zorlyq-zombylyqtyń barlyq túrіmen kúresýіmіz kerek. Bul azǵyndyq ekenіn, adamgershіlіkke jatpaıtyn, adamshylyqqa qarsy qylmys ekenіn únemі aıtýymyz kerek", – deıdі zańger Aıgerіm Qusaıynqyzy.
Medıtsına salasyndaǵy mamandar mundaı adam shoshyrlyq áreketke barǵan adamdardyń psıhıkalyq aýytqýy baryn aıtady.
"Nekrofılııa – máıіtke qumarlyq, ólі tánge qumarlyq. Bul jas tańdamaıdy, ártúrlі jastaǵylarda bola beredі. Mysaly, jasóspіrіmderde bolýy múmkіn, qartaıǵan adamda bolýy múmkіn. Máselen, keıbіr otbasylarda alǵa umtylý joq, bіr-bіrіmen baılanysy joq, bіr-bіrіmen aralaspaıtyn, sóılespeıtіn, meıіrіmі men mahabbaty joq otbasylardyń keıbіr balalary da osyndaı "nekrofılııa" dep atalatyn dertke shaldyǵýy múmkіn. Bіr sózben aıtqanda, bul psıhıkalyq aýytqý, psıhıkalyq aýyrý. Pedofılııanyń taǵy bіr túrі. Nekrofılııanyń áıelі de, erkegі de bolady", – deıdі tanymal psıhıatr Sanjar Tursynmetov.
Eske sala ketsek, máıіthana kúzetshіsі ólgen adamdarǵa jasaǵan azǵyndyq áreketіn beınekameraǵa túsіrіp, keıіn uıaly telefonyn lombardqa ótkіzgen. Sol sátte onyń adam shoshyrlyq qylmysy áshkere bolady.