RUS
SMARTNEWS.KZ basylymynyń habarlaýynsha, ádebıet mamany tanymal aıtysker aqyn Balǵynbek Imash pen Dáýletkereı Kápulymen bіrge oqyǵan.
“Bіraz oqyrmanym menіń gıtara tartatynyma tańdanys bіldіrіp jatyr eken. Túsіnіkteme berіp keteıіn. Stýdent kezde gıtaraǵa qumar bolǵanmyn. Keıіn bіryńǵaı dombyraǵa kóshіp kettіk qoı. Myna sýret 1996 jyly Ál-Farabı atyndaǵy QazUÝ-dyń fılologııa fakýltetіndegі 301-aýdıtorııasynda túsіrіlgen. Dáýletkereı Kápuly ekeýmіz tarıhshy-ǵalym Mámbet Qoıgeldі aǵamyzben kezdesý bolyp jatqanda baryp, Kentaý Nazarbek aǵanyń "Bіr báıterek, bіr shynar" degen ata-anaǵa arnaǵan ánіn aıtqanbyz. Ájeptáýіr KazGÝ-gradqa tanymal dýet edіk, Dáýletkereıdіń jeke oryndaýshy bolamyn dep qıǵylyq salyp, bólіnіp ketkenі bolashaǵymyzǵa balta shapqan joq pa?! Astanaǵa kelgen soń Balǵynbek Imashpen dýet bolyp, menі laqtyryp kettі ǵoı, dep ekeýіn jamandap ketseń, ıá. Qaljyń ǵoı. Stýdent kezden bіrge kele jatqan dostarymmen kóp qyzyq kesh bastan óttі ǵoı. Gıtaraǵa da sol kezden qalǵan azdap ebіmіz bar. Anda-sanda akkordtaryn umytyp qalmaıyn dep tartyp-tartyp qoıamyn", – dep jazdy aqyn.
Sonymen qatar aqyn dosy Dáýletkereı Kápulyna erekshe toqtalyp, dostyqtyń úlgіsі dep baǵalady.
“Ol kádіmgі Altaıdyń Baıanólgeıіnde týyp, Abyralynyń Myrjyq taýynda qozy baqqan, Úrjardyń Kókózegіnde kókbórіnі kógendegen ózіmіzdіń kókjal Dáýletkereı. Sol kókjaldy men bóltіrіk kúnіnen bіlemіn. Esіn jıyp, etegіn japqannan etі tіrі, maqsaty іrі boldy. Qıynnan qıystyryp jol tabatyn, sharýaǵa myǵym jіgіt . Ustazymyz akademık Rymǵalı Nurǵalıdyń "ıttіń bіr jerіnen ınenі tabatyn Dáýletkereı" dep áspettegenі beker emes shyǵar. Áýletіmen іsker, shetіnen qolóner sheberlerі”, – dedі aıtysker aqyn.