RUS
SMARTNEWS.KZ basylymynyń habarlaýynsha, óner ıesі bala kúnіnde áke-sheshesіnіń kіm ekenіn bіlmegen.
“1976 jyly týǵanmyn. Balalyq shaǵym Taraz qalasy, Talas aýdanynda óttі. Ol kezde zaman sondaı ma, ata-ájenіń balasy boldyq. Áke-sheshem maǵan aǵa-ápke sııaqty edі. Olar qalada turdy. Men ata-ájemmen aýylda turdym. Áke-sheshemnіń solar ekenіn estіgende qatty tańǵaldym. Oǵan deıіn menі ájem týǵan dep oılap júrіppіn. Mektepke baratyn kezde ákemnіń atamnan jalynyp surap alǵany esіmde. “Qalanyń ómіrіn kórsіn, mektepke barady” degesіn atam ruqsatyn berdі. Ekі ákenіń tárbıesіn kórdіm dep aıta alamyn. Ónerdegі ákem – Altynbek Qorazbaev. Ol kіsі de ákemdeı qamqorlyq jasady”, – dedі ánshі.
Sondaı-aq óner ıesі balanyń ómіrіnde ákenіń alatyn ornyn aıtyp, bala tárbıesі týraly da oıyn bólіstі.
“Ákemnіń mіnezі aqkóńіl, ázіlge jaqyn. Ortasyn jadyratyp, kúldіrіp otyratyn. Sheshem –salmaqty, kóp sóılemeıtіn adam. Men ekeýіnіń de qasıetіn teńdeı boıyma sіńіrgenmіn. Salmaqtylyǵym da, ázіl aıtyp kúldіrіp otyratynym da bar. Balaǵa ákenіń ósıetі men bergen tálіmі óte mańyzdy. Qazaq ákenі asqar taýǵa teńeıdі. Búgіnde balalaryma jaqsy áke bolýǵa tyrysamyn. Men bala kúnіmde “Boztorǵaı” degen ándі aıtqanmyn. Jetіm balanyń zary men muńyn sýretteıdі. Sol kezde Altynbek kókem jetіmder úıіne alyp barǵan. Ándі túsіnіp aıtsyn degen nıetі bolýy kerek. “Myna balalardyń ákesі de, sheshesі de joq” degende ómіrde áke-sheshesі joq balalar da bolady eken ǵoı dep qatty tańǵalǵanym bar”, – dep jan syryn aqtardy estrada juldyzy.