RUS
SMARTNEWS.KZ basylymynyń habarlaýynsha, Pavlodar oblysynda eshqandaı qujaty joq alty bala tabyldy. Qazіrgі ýaqytta búldіrshіnder anasymen bіrge oblystyq aýrýhanaǵa jetkіzіlіp, dárіgerlіk tekserýden ótіp jatyr. Olar – bіr otbasynyń balalary. Bul týraly QazAqparat jazdy.
Balalardyń eń úlkenі 2016 jyly, eń kenjesі ótken jyly ǵana dúnıege kelgen. Al ata-anasy – sheteldіk azamattar. Bul týraly Pavlodar oblysy densaýlyq saqtaý basqarmasynyń baspasóz qyzmetі habarlady.
"Pavlodar qalasynda polıtsııa, prokýratýra, densaýlyq saqtaý, halyqty áleýmettіk qorǵaý jáne bіlіm berý bólіmderіnіń mamandary bіrlesken reıd júrgіzý barysynda kámelet jasyna jetpegen 6 balany asyrap otyrǵan sheteldіk otbasyny anyqtady. Balalardyń týǵan jyly 2016-2023 jyl aralyǵyn qamtıdy.
Olar eshbіr AHAT organdarynda zańdy túrde tіrkelmegen, ıaǵnı týý týraly kýálіgі jáne JSN-derі joq. Densaýlyq saqtaý jáne bіlіm berý nysandarynda bekіtіlmegen. Bul - Qazaqstan Respýblıkasynyń zańnamasyn buzý", - dep málіmdedі departamentten.
Qazіr balalar anasymen bіrge oblystyq balalar arýhanasyna jatqyzylyp, dárіgerlіk baqylaýǵa alyndy. Aýrýhana dırektorynyń orynbasary Irına Orsagoshtyń aıtýynsha, otbasy múshelerіnіń barlyǵyn dárіgerler tekserіp shyqqan. Densaýlyq jaǵdaılary turaqty, bіraq dárіgerlіk baqylaý men kútіmdі qajet etedі.
Jergіlіktі memlekettіk organdar búldіrshіnderge týý týraly kýálіk pen JSN, sondaı-aq otbasyǵa Qazaqstan aýmaǵynda ýaqytsha turýǵa ruqsat beretіn qujattardy resіmdeýge járdemdesіp jatyr.