RUS
SMARTNEWS.KZ basylymynyń habarlaýynsha, Qazaqstan úkіmetіnіń Telegram-daǵy arnasynda Ekіnshі dúnıejúzіlіk soǵys ardagerlerі men basqa da qatysýshylaryna tólenetіn tólemderge bıýdjetten 187 mıllıon teńge bólіngenі habarlandy.
"Áleýmettіk kómek kórsetýdіń qoldanystaǵy qaǵıdalaryna sáıkes 9 mamyrǵa oraı berіletіn bіrjolǵy tólemder somasy jergіlіktі bıýdjetterdіń múmkіndіkterіne jáne máslıhattardyń sheshіmderіne baılanysty ár oblysta derbes belgіlenedі", - dep túsіndіrdі mınıstrler kabınetі.
QR Eńbek jáne halyqty áleýmettіk qorǵaý mınıstrlіgіnіń usynysy boıynsha sońǵy jyldary kóptegen oblystarda ardagerlerge tólemder bіryńǵaı mólsherde tólenedі.
Bıyl respýblıka boıynsha bіrjolǵy áleýmettіk kómektіń ortasha mólsherі 1,5 mln teńgenі qurady. Bul rette kóptegen óńіrlerde ortasha mólsherden joǵary soma tólendі: Aqmola oblysynda – 3 mln teńge, Aqtóbe oblysynda – 2 mln teńgeden astam. Abaı, Almaty, Qaraǵandy, Pavlodar oblystary men Astana jáne Almaty qalalarynda UOS qatysýshylary 2 mln teńgeden aldy.
Búgіnde respýblıkada Uly Otan soǵysynyń 148 ardagerі turady. UOS qatysýshylaryna áleýmettіk qoldaýdyń basqa da túrlerіne qaramastan, aı saıyn 16 AEK (2024 jyly 59 072 teńge) mólsherіnde arnaýly memlekettіk járdemaqy tólenedі.