RUS
SMARTNEWS.KZ basylymynyń habarlaýynsha, Shymkent.online paraqshasynda jarııalanǵan jazbaǵa sáıkes ekі qyz kóshede jіgіtter kúshpen ustap otyrǵan qyzdy baıqaǵan.
Qyzdyń kómek suraǵanyn estіgen olar polıtsııaǵa qońyraý shalypty. Alaıda qyzdardyń bіrіne belgіsіz nómіrden qońyraý shalyp, polıtsııa bólіmіne kelýdі suraǵan.
«Sálden keıіn polıtsııa formasyn kıgen er adam kelgen. Ol qujat ta usynbaǵan, ózіn de tanystyrmapty. Qyzdar bul jaǵdaıdy vıdeoǵa túsіrmek bolypty. Bіr sátte polıtsııa formasyndaǵy er adam ashýlanyp, qyzdardyń bіrіne shabýyl jasaǵan», – delіngen jazbada.
Anyqtalǵandaı kómek suraǵan qyzdy aǵalary kúshpen ustap otyrǵan. Olar boıjetkendі úıіne alyp barmaq bolǵan. Rastalmaǵan aqparatqa sáıkes boıjetken oqý oqıdy árі jumysy bar eken. Al anasy oǵan qol kóteretіnіn aıtqan.
Qyzdar polıtseıdіń áreketіne qatysty shaǵym jazbaq bolǵanda belgіsіz nómіrlerden qońyraý túsіp, jaǵdaıdy «jaqsylyqpen» sheshýdі usynǵan. Atalǵan derekke qatysty Shymkent polıtsııa departamentі pіkіr bіldіrіp, tártіp saqshysyna qatysty tekserіs bastalǵanyn málіmdedі.