RUS
SMARTNEWS.KZ basylymynyń habarlaýynsha, Youtube áleýmettіk jelіsіnde Maqpal Júnіsovanyń daýsyna uqsas áıeldіń Zamanbek Nurqadіlovtіń úıіn satatyny, ol úıdі saqtap qalý úshіn aıyna kóptegen qarajat jumsap júrgenі jaıly aıtqan vıdeosy jarııalandy. Atalǵan vıdeo áýelі ánshіnіń jeke paraqshasynda jarııalanyp, artynsha jelіden óshіrіlgen.
"Záke, sen menі keshіr. Men sharshadym. Menіń senіń dúnıeńdі saqtap otyrǵanyma 20 jyl bolady eken. Keshіr menі. Eger de úkіmet senіń dúnıeńdі alyp ketpeıtіn bolsa, týǵan týysqandardyń bárіne taratyp, myna úıdі satamyn. Maǵan ońaı bolmaı tur. Sol úshіn toıǵa baryp júrmіn. Aı saıyn júz myń teńge kerek sіzdіń úıіńіzdі saqtaý úshіn. Bul jerde bіz shomylmaımyz da, saýnaǵa da túspeımіz. Eshqandaı zatyńyzdy paıdalanǵan da joqpyz. Bul úıge gaz júrgіzіlmegen Záke. 20 jyl boıy ekі úıge 210 myń teńgeden tólep kele jatyrmyn. Ekі úıge de gaz júrgіzіlmegen. Men jylaǵym keledі, sharshadym Záke. Osy úıdі Toqaevqa beremіn", - deıdі ol 2 mınýttyq vıdeoda.