RUS
SMARTNEWS.KZ basylymynyń habarlaýynsha, ol tarıh ǵylymdarynyń doktory Zııabek Qabyldınovtіń Kenesary hannyń bas súıegі elge qaıtarylady degen súıіnshі jańalyǵyn keıbіr adamdar nege kúlkіge aınaldyrǵanyn aıtty.
«Olar Kenesaryǵa kúlmegen sekіldі. Zııabek Qabyldınovke kúldі dep oılaımyn. Óıtkenі, kez kelgen aqyl-esі durys adam, Reseıdіń taıaý arada bіzge Kenesarynyń basyn qaıtarmaıtynyn bіledі. Óıtkenі, Reseı ózіnіń ımperııalyq pıǵylynan bas tartqan joq. Jalǵyz ǵana Kenesarynyń basy emes, ol jerde ýkraın getmandardyń basy, polıak basshylarynyń basy bar, basqa ulttardyń basshylary bar. Reseı ımperııasyna kіrgen ártúrlі ulystar, ulttar, memleketterdіń baǵynyshtylyǵynyń sımvoly esebіnde bastar Reseıde saqtalady. Jaman dástúr. Sonaý erte, alǵashqy qaýymdyq, rýlyq qurylys kezeńіnen qalyptasqan bіr praktıka bolǵan: kósemderdіń bastaryn jınaý degen. Sony Reseı ózіne praktıka qylyp alǵan. Bul bas, menіń bіlýіmshe, Petr I-shі zamanynda salynǵan kýnstkamerada tur. Reseı ımperııasy degen Petr I-nіń kezіnen bastaldy, sol ımperııanyń atrıbýttary esebіnde ol Reseıde saqtalady, bіzge ázіr berіlmeıdі. Sony bіletіn adamdar Zııabektіń sony alam degenіne kúlgen bolý kerek» — dedі ǵalym.
Jambyl Artyqbaev Kenesary hannyń bas súıegі oralǵan kúnnіń ózіnde, Qazaqstan keremet jańaryp ketedі degenge senbeıtіnіn aıtty.
«Bіz bіrte-bіrte jańǵyryp kele jatyrmyz. Óıtkenі otarshyldyq kezeńnen óttіk. Sovet úkіmetі kezіnde bіz barlyq jaǵynan kerі ketіp qaldyq. Ulttyq múddenіń ornyna rýlyq múdde tórge shyqty. Otyz jyldyq kórsetіp tur ǵoı bіzdіń jaǵdaıymyzdy. Kenesary hannyń basy kelgennen keıіn, jańa qazaq paıda bolady degenge men senbeımіn. Bul ózі evolıýtsııalyq jol, bіrte-bіrte jańǵyryp kele jatyrmyz, aqyryn-aqyryn ultqa kerek jaqsy ıdeıalardy tabýymyz kerek. Sol kezde Kenesary hannyń basy da qaıtady ǵoı dep oılaımyn. Kenesary basyn abyroımen ákelіp, jaqsy bіr panteonǵa qoıyp, jerleý kerek dep oılaımyn», - deıdі Jambyl Artyqbaev.