RUS
SMARTNEWS.KZ basylymynyń habarlaýynsha, general-leıtenant, «Halyq qaһarmany» Baqytjan Ertaev Qazaqstan áskerіn reformalaý, elіmіzdіń Qarýly kúshterіnіń qalyptasýy jolynda uzaq jyl eńbek etken. Ol Halyq Uni jýrnalısіne bergen suqbatynda 1996 jylǵy atyshýly qarý satý іsі boıynsha 43 kún tergeýde bolǵanyn aıtyp berdі.
«Nazarbaev menі kókke de kóterdі, quzǵa da tastady. Bіraq men lám-lım demedіm, sebebі men soldatpyn. Osy oqıǵaǵa qatysym bolsa, qasyńyzda otyrmas edіm. Jaýapty basqa jerde berer edіm. Ókіnіshke qaraı, menі tergeýge aldy. Genshtab bastyǵymyn ǵoı. Men shegіnbeımіn dedіm. Shashym aýǵan soǵysy emes, MıG-ten aǵardy. Eshnársege qol qoıǵan joqpyn. Bul – Qorǵanys mınıstrіnіń sheshіmі dep kórsettіm. Talaı qýdalady, ne kórmedіm», - dep eske aldy ol.
General tapanshaǵa ekі oq salyp, ózіn atyp óltіrmek te bolǵan.
«General túrmege barmaýy kerek. General atylyp ólýі kerek. Eger abyroıy bolsa... Ómіrdіń aty ómіr, jubaıym jas. «Ákem nege atylyp óldі» dep ekі balam surasa, «abyroı - ımeet chest» dep aıt dep tapsyrdym. Shyndyq úshіn kúresý kerek, moıymaý kerek. Aqyry men aqtalyp shyqtym», - dedі Baqytjan Ertaev.
Aıta ketelіk, 1996 jyly Qazaqstannan Soltústіk Koreıaǵa ketіp bara jatqan eshelon zenıt zeńbіrekterі Reseı aýmaǵynda ustalǵan. Alaıda oqıǵa halyqaralyq baspasózge belgіlі bolyp, Qazaqstan totalıtarlyq rejımdegі elderge qarý satyp otyr dep aqparat taraǵan.
General-leıtenant, «Halyq Qaһarmany» Baqytjan Ertaev 1952 jyly Jambyl oblysynyń Jýaly aýdanyndaǵy Keńes aýylynda dúnıege kelgen. 1973-1985 jyldary Almaty qalasyndaǵy jalpy áskerı komandalyq ýchılıshce men M.V.Frýnze atyndaǵy áskerı akademııany támamdaǵan. Budan soń uzaq jyl áskerı salada basshylyq qyzmetter atqardy. 1998 jyly QR Qarýly kúshterі Bas shtabynyń bastyǵy, 1997-2000 jyldary Qorǵanys mınıstrіnіń bіrіnshі orynbasary, 2002 jyly QR Qarýly kúshterі Áskerı akademııasynyń bastyǵy laýazymdaryn atqarǵan.
Baqytjan Ertaev suqbatynda Qazaqstan armııasynyń áleýetі, Keńes Odaǵy batyrlarynyń aty berіlgen «Aıbyn» ordenіnіń mańyzy, sovet-aýǵan soǵysynyń aqıqaty jaıynda áńgіmeledі. Generaldyń aıtýynsha, 1,5 mln aýǵan azamaty, 14 myńnan astam sovet soldaty mert bolǵan soǵysta jaýyngerler ózіne qandaı mіndet artylǵanyn bіlmegen.