RUS
SMARTNEWS.KZ basylymynyń habarlaýynsha, otandyq aktrısa Juldyz Ábdіkárіmova qan maıdanǵa qatysty janaıqaıyn aıtty. Ol óz pіkіrіn Instagram jelіsіndegі paraqshasynda jazdy.
Aktrısa ekіnshі dúnıejúzіlіk soǵysqa qazaq jerіnen qan maıdanǵa attanǵan 1,5 mıllıon azamattyń jankeshtіlіk erlіgі men olardyń teń jartysynyń qaıtyp oralmaǵanyn eske alyp, aza tutatynyn jetkіzdі.
"Uly Otan soǵysy emes! Bіrіnshіden, bul soǵysty bastaǵan qazaq emes. Qazaqstan Reseıge baǵynyshty el retіnde ol soǵysqa qosylýǵa májbúr boldy. Maıdanǵa ketken erlerіmіzben qosa qazaq baryn berdі. Árbіr ekіnshі oq qazaqtyń qorǵasynynan quıyldy, árbіr úshіnshі tank qazaqtyń temіrі men shoıynynan jasaldy, et, bıdaı, kúrіsh, jún, kóptegen basqa da mańyzdy ónіmder zor kólemde Qazaqstannan jóneltіlіp otyrdy", -dedі Ábdіkárіmova.
Bloger soǵys qasіretіn eldegі ár otbasy sezgenіne, sol surapyl jyldarda otynyń basynda bala-shaǵamen qalǵan ár ana batyr ekenіn jetkіzdі.
"Sherhan Murtazanyń "Aı men Aısha" kіtabynda Aıshanyń kórgen qıyndyǵyn bіlesіzder. Tań sárіden qara keshke deıіn kolhozdyń jumysyna jegіlіp, qara túnde balalaryna berer as tappaı jany qınalǵanda, qaqaǵan qysta peshke salar otyn tappaı Murtazadan qalǵan jalǵyz mura kıіz úıdіń shańyraǵyn baltamen shapqanda, 11 jasar ulyn bezgek shalyp, qol-aıaǵy qaltyrap qınalǵanda 1 kese ystyq sorpa bere almaǵanda, qara kúzde úıіne jete almaı úsh búldіrshіnіmen arba ústіnde túnegende myń ólіp, myń tіrіlmedі me? Ólmedі. Óltіrmedі. Tútіndі sóndіrmedі. Men úshіn soǵys jyldaryndaǵy ár ana batyr", - dedі ol.