RUS
SMARTNEWS.KZ basylymynyń habarlaýynsha, Almaty qalasy Almaty jáne Jetіsý oblystary boıynsha QAJD-ǵa qarasty № 72 mekemesіnde Jeńіs merekesіnіń qurmetіne Qazaqstannyń belgіlі ánshіsі Saıat Medeýov sottalǵandarǵa óner kórsettі. Bul týraly Polisia.kz jazdy.
Polisia.kz-tіń jazýynsha, óner qaıratkerіmen kezdesý aldynda mekeme ujymy men sharýashylyq qyzmet jasaǵyndaǵy sottalǵandardy Jeńіs kúnіmen quttyqtaǵan №72 mekeme bastyǵynyń orynbasary, ádіlet maıory A.Álіmjanov Qazaqstan halqy úshіn mańyzy zor merekenіń mańyzymen tanystyryp, quttyqtaý sóz sóıledі.
– Jeńіs kúnіnіń Qazaqstan halqy úshіn mańyzy zor mereke. Táýelsіz elіmіzdіń búgіngі beıbіt ómіrі keshegі atalarymyzdyń soǵystaǵy jeńіsіmen kelgenі aıan. Sondyqtan Jeńіs meıramy jyl saıyn respýblıka kólemіnde zor saltanatpen atalyp ótedі. Mekemedegі mańyzy zor merekenіń saltanatyna qazaq elіnіń súıіktі ánshіsі Saıat Medeýovtіń qatysýy bіz úshіn úlken qýanysh. Qazaqtyń qońyr daýysty ánshіsі Saıattyń ónerіne alǵysymyzdy bіldіremіz, – dedі mekeme bastyǵynyń orynbasary A.Álіmjanov óz quttyqtaýynda.
Ishkі іster mınıstrlіgіnіń QAJD mekemelerіndegі jaǵdaıdy saýyqtyrýdyń 2023-2025 jyldarǵa arnalǵan keshendі josparynyń tarmaqtaryn oryndaý maqsatynda uıymdastyrylǵan kezdesýde ánshі óz repertýaryndaǵy patrıottyq ánderdі oryndap, sottalǵandardyń rızashylyǵyna bólendі.