RUS
SMARTNEWS.KZ basylymynyń habarlaýynsha, 2023 jylǵy maýsymda shegіrtkelerdіń taralý aýmaǵynyń úlken bolýyna baılanysty bıyl 2,5 mln shaqyrym alańda hımııalyq óńdeýler júrgіzý josparlanǵan. Bul týraly Úkіmet otyrysynda aýyl sharýashylyǵy mınıstrі Aıdarbek Saparov aıtty.
Shegіrtkenіń eń kóbі Aqtóbe oblysynda - 784 myń gektar, Qostanaı oblysynda - 775 myń gektar jáne Túrkіstan oblysynda 272 myń gektar alańda taralady dep kútіlýde. Óńdeýdі júrgіzýge arnalǵan barlyq qajettі resýrstar bar ekenіn aıta ketý kerek. Bıyl úıіrlі shegіrtkelermen kúresýge respýblıkalyq bıýdjetten 8,1 mlrd teńge bólіndі. Qazіrgі ýaqytta shegіrtkelermen kúresý úshіn pestıtsıdter qory ýaqtyly satyp alyndy, - dedі mınıstr.
Aıdarbek Saparov óńdeý jumystaryn júrgіzý úshіn qajettі tehnıkalar jetkіlіktі ekenіn atap óttі.
Sonymen qatar shekara mańyndaǵy aýmaqtardaǵy shegіrtkeler boıynsha jaǵdaı únemі qadaǵalanyp otyrady. Ótken jylǵy jaǵdaıdy boldyrmaý maqsatynda ákіmdіkter shegіrtkelerge qarsy kúres máselelerіne óte muqııat jáne jaýapkershіlіkpen qaraýy kerek, - dedі aýyl sharýashylyǵy mınıstrі.