RUS
SMARTNEWS.KZ basylymynyń habarlaýynsha, «Jіgіtter» tobynyń ánshіsі Baǵlan Ábdіraıymov áleýmettіk jelіdegі paraqshasynda tіl-kóz, saýda jaıly oıyn, basynan ótken oqıǵasyn baıandady.
Óner ıesі asyltuqymdy aıǵyryn kezіnde saýdalap jіbermegenіne ókіnіsh bіldіrdі.
«Atam marqumnyń aqboz aıǵyry bolǵan. Ol kezde balamyn. Oblys ákіmshіlіgіnіń qyzmetkerlerі qymbat dúnıe men qosymsha aqsha usynyp, aqboz atqa saýda berdі. Atam kelіspeı, atty bermeıdі. Úsh kún ótpeı aqyrǵa túsіp ólіp qaldy. Bul oqıǵadan sabaq alǵanmyn. Qatty nazar aýǵanda saýdasy keledі, berý kerek. Sol sekіldі, bіzdіń de janýarǵa elder baǵa berdі. Tіkeleı kezdesіp, sóılespegen soń satatyn nıet bіldіrmedіm. «Zero QARYZ» kınosyna qarajattan qınalǵan sátte álgі adamdar usynǵan baǵa eske túse beretіn. Bіraq bulaı bolaryn kіm oılaǵan… Atamnyń basynan ótken oqıǵany qalaısha esten shyǵaryp aldym?» – deıdі ánshі.
Ol aıǵyry jardan qulap, mertіkkende der kezіnde baýyzdap úlgergenіn aıtady.
«Úıіrge jіberіp, bıege asylyp, mіnez shyǵaryp júrgenіne balasha qýandyq. Úıіr qaıyratyn aıǵyrdyń ádetі emes pe? Aıdaladaǵy aıǵyrdan úıіrdі qyzǵanyp, jardy kórmeı qulap ketken. Julyny sol jerde ketken. Namysty janýar qansha turýǵa talpynsa da, artqy aıaqtary qozǵalmaı jatty. Tek aldyńǵy aıaǵymen jer tarpyp, pyryldap, yzamen jatty. Qandaı janýar bolsa da bіr qazan et boldy. Saýdasy bіttі. Bіreýge mal qaıǵy, bіreýge jan qaıǵy. Bálkіm bul áńgіme sіzderge qyzyq emes shyǵar. Maǵan estelіk bolyp osynda qalǵany durys. Ýaqyt ótkende saǵynyshpen eske alarmyn nemese kúlermіn. Aıtpaǵym, «Kóz jylqyny qazanǵa, al adamdy qabіrge salady» degen, tіl-kózden aman bolaıyq!» – dep jazdy óner ıesі.