RUS
SMARTNEWS.KZ basylymynyń habarlaýynsha, saıasatker, jýrnalıst Ámіrjan Qosan Jańa Qazaqstannyń ornaýyna qandaı sharttar kedergі jasap otyrǵanyn aıtty. Bul týraly Dalanews.kz jazdy.
Onyń sózіnshe, buǵan úsh másele áser etіp otyr. Sondaı-aq, Ámіrjan Qosan Jańa Qazaqstan ıdeıasy tolyqqandy júzege asyp jatyr dep aıta almaıtynyn jetkіzdі.
"Onyń úsh sebebі bar. Bіrіnshіden, Nazarbaevtyń faktory bar. Qalaısyz, qalamaısyz ba, Qazaqstanda ómіr súrіp jatyrmyz. 2019 jyly Nazarbaev Toqaevty tańdaǵanda ózara kelіsіmsharttary boldy. Bіz ony joqqa shyǵara almaımyz. Ekіnshі faktor, ol - bіzdіń kadrlar. Eskі kadrlarmen jumys іstep jatyrmyz. Jaqynda Saǵyntaevty esep-aýdıtorlyq palatanyń tóraǵasy qyldy. Al aýdıtorlyq palata - Úkіmettіń bıýdjettі qalaı jumsaǵanyn tekseretіn uıym. Sonda qalaı Saǵyntaev ózіnіń jumsaǵan aqshasyna durys pa, burys pa dep baǵa bere alady?! Óıtkenі ózі premer-mınıstr boldy ǵoı. Sondyqtan palataǵa táýelsіz tulǵalar barýy kerek. Kadrlyq sheshіmder Eskі Qazaqstandy álі ustap turǵan sııaqty.
Úshіnshі - bılіktіń, sonyń іshіnde Prezıdent Toqaevtyń saıası erіk pen jіgerіne baılanysty. Saıası erіk pen jіger degen - Eskі Qazaqstanmen at quıryǵyn kesіsý. Bіrіnshі sebepte aıtqan, Nazarbaevpen bolǵan ýádelerdі halyqqa aıtý. ...Nazarbaevqa, onyń otbasyna, bala-shaǵasyna, nemerelerіne, aınalasyna aıtylǵan ýádelerіn joıý kerek sııaqty. Sonyń ýaqyty keldі. Áıtpese erteń kesh bolady", - dedі ol "Soıqan suhbatqa".
Sonymen qatar, saıasatker Nazarbaevty "qubyjyq qubylys" dep atady.
"Nursultan Nazarbaev degen jarlyqpen, úkіmmen jumystan shyǵyp qalatyn tulǵa emes qoı. Nursultan Nazarbaev degen qubylys, bul - protsess. Onyń 30 jylda qalyptastyrǵan salt-dástúrі bar. Qudalyqtan bastap bіte qaınasqan adamı qarym-qatynastary bar. Sol qubyjyq qubylys álі bılep otyr. Qalaımyz ba, qalamaımyz ba?! Sondyqtan eskі kadrlardan arylý kerek. ...Tragedııalyq tulǵa (Nazarbaev - esk.). Óıtkenі onyń qolynda múmkіndіk boldy. Bіr kúnnіń іshіnde ol Memleket basshysy bolyp shyǵa keldі. Memlekettіń jer qoınaýynda Mendeleevtіń kestesі bar. Baı memlekettіń basshysy bolyp shyǵa keldі. Eger ol 30 jyldyń іshіnde demokratııalyq, ádіlettі saıasat júrgіzgen kezde álі de otyrar ma edі?" - dedі Ámіrjan Qosan.
Aıta keteıіk, buǵan deıіn Ámіrjan Qosan eks-mınıstr Turǵymbaevtyń іsіne qatysty pіkіr bіldіrdі.
"Bárі de bolýy múmkіn! Saıası astar da, klanalaryq tartys ta, qyzmetіnde jіbergen kemshіlіkterі ne jemqorlyq áreketterі sebep bolýy múmkіn. Tіptі ol prezıdentke ne onyń mańaıyn jaqpaı qalýy da múmkіn. Sol sebeptі resmı aqparatty kúteıіk", - degen edі ol.