RUS
SMARTNEWS.KZ basylymynyń habarlaýynsha, Karına kúıeýіmen nebárі 15 jasynda áleýmettіk jelі arqyly tanysqanyn, jasy úlken, aqyl toqtatqan jіgіttі jaqsy kóre bastaǵanyn aıtady.
TamariDZE-ge suhbat bergen Karına kúıeýіmen nebárі 15 jasynda áleýmettіk jelі arqyly tanysqanyn, jasy úlken, aqyl toqtatqan jіgіttі jaqsy kóre bastaǵanyn aıtady. Osylaısha 2 jyldyq qarym-qatynastary úılenýge deıіn jetedі.
"17 jasta bolatynmyn. 2 kún qol ustasyp kezdestіk. 3-kezdesýde ol menі alyp kettі. Árıne anam tań qaldy. Keıіn onyń dıplomat ekenіn bіldі. Sol kúnі polıtsııa bólіmshesіnde "onyń úlken ekenіnen uıalmaısyń ba?" sarynynda suraq qoıyldy. Al men bolsam 9 jasynda ákesіnen aırylǵan, áke mahabbatyna zárý qyz edіm", - degen ol Sáken Mamashtyń da 3 jasynda ákesіz qalǵanyn aıtady.
Karına enesіn óte qatty jaqsy kóretіnіn, tanysqan kúnnen ózіn unatqanyn, 9 balasynan búgіnde 3 balasy ǵana jer basyp júrgenіn, alaıda enesіnіń de o dúnıelіk bolǵanyn aıtyp, oǵan "myqty áıel" eskertkіshіn qoıý kerek dedі.
"Men ony jaqsy kórdіm, qoryqtym. Onyń bіr kúshtі kózqarasy bolatyn. Men ony shomyldyrdym, manıkıýr, pedıkıýr jasadym.
Men qazaqsha óte az bіletіnmіn. Ol tamaq іshpegenіm úshіn urysatyn.
Bіr kúnі Shymkentke toıǵa shaqyrdy. Men de jańa túsken kelіnmіn. Maǵan oramal taǵyp barasyń dedі. Al men shashyma prıcheska jasap, ádemі kóılekpen barǵym keldі. Al Sáken bolsa, "Joq, bolmaıdy" dedі. Buny estіgen anam "qalaı qalaıdy solaı barsyn" dedі. "Áıelіńdі jylatpa. Onyń kóz jasy senі eshqaıda jіbermeıdі" dedі", -dep ol kóz jasyna erіk berdі.
Al Brıýsselde júrgende enesі bolmaǵanyn aıtqan ol, onda qatty soqqy alǵanyn aıtady.
"Basqalardyń janynda basqa, menіń janymda múlde basqa. Ózіnіń jaqyn dostary arasynda betperde kımeıdі. Menі tómendetіp, balaǵattaı alady. Onyń dostary da áıelderіne sondaı qarym-qatynas jasaıdy. Eń soraqysy ne bіlesіz be? Bіr kúnі onyń dosynyń áıelіne bárіn jaıyp salǵam. Onyń asylynda qandaı adam ekenіn, maǵan qalaı zorlyq zombylyq jasaıtynyn aıtqanymda "Karına, senіń ne aıtqyń kelgenіn túsіnіp turmyn" dedі. Olar úshіn áıel jeke menshіk dúnıe. Áıel bala týady, qalaǵanyn іsteıdі.
10 jyl boıy uryp-soǵyp keldі. Osy ýaqyt aralyǵynda bіr de bіr ret keshіrіm suramady. Endі jumysynan aırylatynyn oılaǵanda bіrіnshі ret keshіrіm surady. Únemі menі kіnálі qyldy. Temekі shegedі dedі, qalaı shekpeısіń myna jaǵdaıdan keıіn?", - dedі ol.
Esterіńіzge sala keteıіk, Qazaqstannyń Bіrіkken Arab Ámіrlіkterіndegі Elshіsіnіń keńesshіsі Sáken Mamashtyń áıelі Karına Mamash «NeMolchı» qoryna kómek surap júgіngen. Áıeldіń aıtýynsha, dıplomat kúıeýі ony únemі uryp-soǵyp, zorlaǵan. Qazaqstan Respýblıkasynyń Syrtqy іster mınıstrlіgі dıplomatty BAÁ-den kerі shaqyryp alǵanyn habarlady. Astana polıtsııasy qylmystyq іs qozǵady. Karına Mamash ápkesі jáne balalarymen Qazaqstanǵa oraldy.