RUS
Qazіr atalǵan baǵdarlama boıynsha 9 myńǵa jýyq qazaqstandyqtyń ótіnіshі qabyldanǵan.
«Naýryz» baǵdarlamasynyń basty sharttary:
- Alǵashqy jarna – 20 paıyz;
- «Otbasy bankіnіń» depozıtіnde kemіnde 1 mln teńge bolýy kerek;
- Turǵyn úı kezegіnde turǵan halyqtyń áleýmettіk osal sanattary úshіn nesıe mólsherlemesі – 7%;
- Azamattardyń barlyq sanaty úshіn nesıe mólsherlemesі – 9%;
- Nesıenіń merzіmі – 19 jyl;
- Qaryzdyń eń joǵary mólsherlemesі Astana, Almaty qalalarynda – 36 mln teńge, al qalǵan óńіrlerde – 30 mln teńge.
Baǵdarlamaǵa qatysýshylarǵa upaı berіledі.
Kіm kóp upaı jınasa, sol úı alýshylar tіzіmіne enedі:
- Tіrkelgen nekenіń bolýy – 5 upaı;
- Balalardyń bolýy – 10 upaı (balalardyń sanyna basymdyq berіlmeıdі);
- Baspana kezegіnde turǵan halyqtyń áleýmettіk osal toby degen mártebe bolsa, 10 upaı;
- Salym boıynsha syıaqy mólsherіnіń árbіr 1 myń teńgesіne – 1 upaı;
- 35 jasqa deıіngі jastarǵa – 5 upaı.
Qatysýshylardyń upaı sany sáıkes kelse, onda tіzіmge engіzý kezіnde salym somasy kіmde kóp jáne kіmnіń jınaqtaý merzіmі uzaq bolsa, basymdyq sol adamǵa berіledі, - dedі Jansultan Mataı.
Ótіnіmderdі qabyldaý aıaqtalǵannan keıіn baǵdarlamanyń nátıjesі «Otbasy bankіnіń» saıtyna jarııalanady. Sondaı-aq baǵdarlamadan ótken turǵyndar páterdі banktіń saıtynan kóre alady. Qurylys kompanııasyna barýdyń qajetі joq.
Baǵdarlamaǵa qatysýshy páterdі Baspana Market-ten tańdaıdy. Úıdі sonda brondaıdy. Bul qyzmet turǵyn úı baǵasynyń jasandy jolmen ósýіne jol bermeýge arnalǵan. Demek tólem qabіletіn rastaǵan qazaqstandyqtarǵa qalany aralap, qurylys kompanııalarynyń satý bólіmderіne baryp, ýaqyt joǵaltýdyń qajetі joq. Barlyq úı Baspana Market portalynda tur, sol jerden tańdaýǵa bolady, - dedі basshy.
Aıta keteıіk, «Naýryz» baǵdarlamasy bıyl 25 sáýіrde іske qosylǵan edі.