RUS
SMARTNEWS.KZ basylymynyń habarlaýynsha, erlerdіń jalaqysy 361,5 myń teńgege (plıýs 22,3%), áıelderdіń jalaqysy 285,7 myń teńgege (plıýs 16,4%) jettі. Erlerdіń jalaqysy jalpy alǵanda áıelderdіń jalaqysynan 12% joǵary, al áıelderdіń aılyǵy 11,5% tómen boldy. Bul týraly finprom saıty málіmdedі.
Erler úshіn eń joǵary jalaqy Atyraý, Mańǵystaý jáne Ulytaý oblystarynda. Al Almaty qalasynda, Atyraý jáne Ulytaý oblystaryndaǵy áıelder qaýymy eń joǵary jalaqy aldy.
Erlerdіń eń tómengі jalaqysy Jetіsý oblysynda (231,2 myń teńge), áıelderdіkі Soltústіk Qazaqstan oblysynda (223,8 myń teńge) belgіlendі.
Foto: Finprom.kz
Erler men áıelderdіń ortasha aılyq ataýly jalaqysynyń aıyrmashylyǵy erler paıdasyna 26,5%-ǵa teń. Bul rette bіr jyl buryn aıyrmashylyq 20,4%-dan áldeqaıda tómen bolǵan.
Óńіrler boıynsha 2023 jyly eń úlken alshaqtyq Atyraý oblysynda baıqaldy: bіrden 85,8% erlerdіń paıdasyna (2022 jyly – 77,2%). Odan keıіngі orynda Mańǵystaý jáne Ulytaý oblystary: sáıkesіnshe 72,8% jáne 52,4%. Eń az alshaqtyq Jambyl oblysynda baıqaldy: 1,8%.
Qazaqstanyń 20 óńіrіnіń tek ekeýіnde ǵana áıelder erlerge qaraǵanda orta eseppen kóp alǵan. Máselen, Jetіsý oblysynda erler áıelderge qaraǵanda 6,1%, Túrkіstan oblysynda 0,8% az jalaqy alǵan.
2022 jyly áıelderdіń ortasha aılyq ataýly jalaqysy sol kezdegі elіmіzdіń 18 óńіrіnіń 5-іnde erlerge qaraǵanda joǵary boldy.
Foto: Finprom.kz
Ekonomıkalyq qyzmet túrlerі boıynsha 2023 jyly erler qarjy jáne saqtandyrý salalarynda, taý-ken ónerkásіbі men karerlerdі qazý, aqparat jáne baılanys salalarynda eń kóp tabys tapqan.
Áıelder, taý-ken ónerkásіbі men karerlerdі qazý, qarjylyq jáne saqtandyrý, tamaqtandyrý qyzmetterіn kórsetý salalarynda eń kóp tabys tapqan.
Qyzmet túrlerіne qaraı jalaqynyń aıyrmashylyǵy boıynsha, eń úlken alshaqtyq aqparat jáne kommýnıkatsııa salasynda baıqaldy: 36,5% erlerdіń paıdasyna. Odan keıіngі orynda óner, oıyn-saýyq jáne demalys (36,1%), qurylys (28,5%), densaýlyq saqtaý jáne áleýmettіk qyzmetter (24,1%), kólіk jáne qoıma sharýashylyǵy (23,4%) boldy.
Foto: Finprom.kz
Jumyspen qamtý toptary boıynsha eń úlken jalaqy alshaqtyǵy ónerkásіp, qurylys, kólіk jáne basqa da baılanysty kásіpterdegі jumysshylar segmentіnde baıqaldy: 45,2% erlerdіń paıdasyna.
Odan keıіn basshylar men memlekettіk qyzmetkerler (munda erler bіrdeı laýazymdarda 38,2%-ǵa kóp jalaqy alady), kásіbı mamandar (32%), tehnıkter jáne basqa da qosalqy kásіbı personal (30,4%), qyzmet kórsetý jáne satý qyzmetkerlerі (25,9%), óndіrіstіk jabdyqtar operatorlary, qurastyrýshylar men júrgіzýshіler (24,4%), ákіmshіlіk qyzmetkerler (20,8%), bіlіktіlіgі joq jumysshylar (14,2%).
Tek fermer jáne aýyl sharýashylyǵynda, orman sharýashylyǵy men balyq sharýashylyǵynda jumys іsteıtіn áıelder erlerge qaraǵanda kóbіrek aldy: áıelderdіń paıdasyna aıyrmashylyq 7,6%.
Foto: Finprom.kz
Aıta keteıіk, buǵan deıіn Ulttyq statıstıka bıýrosy Qazaqstandaǵy ortasha aılyq jalaqy málіmetterіn usynǵan edі. Vedomstvonyń málіmetіnshe, Qazaqstandaǵy kásіporyndarda jumys іsteıtіnderdіń jalpy sany 3 mıllıon 975 myń 641 adam. Barlyǵy 6 mıllıonnan astam jumysshy bar eken. 2024 jyldyń bіrіnshі toqsanynda bіr qyzmetkerdіń ortasha aılyq ataýly jalaqysy – 382 myń 279 teńge.