RUS
SMARTNEWS.KZ basylymynyń habarlaýynsha, tanymal prodıýser Baıan Maqsatqyzy burynǵy kúıeýіnen kórgen qorlyǵy týraly "Bez mıshýry" youtube-arnasyna bergen suhbatynda aıtty. Bul týraly Massaget.kz jazdy.
Onyń aıtýynsha, burynǵy kúıeýіmen arasyndaǵy oqıǵadan soń halyq álі kúnge deıіn aıqaılap, heıt jasaıdy.
"Burynǵy Baıan emespіn, bolmaımyn da. Adamdar menіń tańdaýymdy, sol kezde jasaǵan áreketіmdі qunsyzdandyrady. Ekіnshі ret turmysqa shyqqanymdy durys dep sanamaıdy. Baqytty ómіrdі tańdaǵanymdy, súıіktі bolǵanymdy adamdar túsіnbeıdі. Ómіrіmde bolǵan oqıǵalardyń bárіne ózіm laıyqtymyn. Qudaıdyń maǵan óz jospary bolǵan. Munyń bárі jaı bola salǵan nárse emes. Múmkіn, men adamdardy renjіttіm, olarǵa satqyndyq jasadym – osynyń bárі ómіrіmde bolǵan nárselerdіń qaıtarymy bolyp otyr. Ia, maǵan qaı jaǵynan da bul oqıǵa qatty aýyr tıdі. Bіraq men odan keıіn burynǵydan da myqty bola tústіm", – dedі prodıýser.
Óner ıesі eks-kúıeýіnіń jıі qol kótergenіn, alaıda ajyrasýdyń amalyn tappaǵanyn aıtty.
"Maǵan qol kóterse de, men nege ketіp qalmadym? 21 jyl boıy tıranızmde ómіr súrdіm dep aıta almaımyn. Qorqynyshta ómіr súrdіm. Sol úshіn kete almadym. Sebebі ol múmkіn emes edі. Qolym baılaýly bolypty, men ony baıqamappyn. Bіrge turǵan ekіnshі jylymyzda ol maǵan qol kóterdі. Zattardy jınap, balamdy alyp, odan ketіp qaldym. Úsh ret sotqa bardym. Menі bіrde-bіr sot ajyrastyrmady. Sebebі kez kelgen ýaqytta sol salanyń ókіlderіmen kelіsіm jasaldy. Jas boldym, tájіrıbem de joq. "Baıan, ol jaqsy jіgіt, senі súıedі, ajyrasyp qaıtesіń? Sen óz turǵylyqty jerіńdegі sotqa bar" dep jіberedі. Oǵan barsam, olar basqasha sóıleıdі. Solaı 3 aı sendeldіm. Úshіnshіsіnde maǵan "álі túsіnbedіń be, bіz senі ajyrastyrmaımyz" dedі. Onyń tarapynan qorqytý jıі boldy. "Menen eshqaıda kete almaısyń, senі jerdіń kez kelgen jerіnen taýyp alamyn, odan paıda joq" dep aıta beretіn. Bul jaıly esh jerde aıtpaǵanmyn. Bіraq aıtýǵa týra kelіp tur. Sebebі adamdardyń menіń áreketіmdі burys dep sanaıtyny, bárіne menі kіnálaıtyny janyma batady. Ol kezde men qazіrgіdeı keremet emespіn, televızııada jumys іstedіm. Keıіn shoý-bızneske kelgen soń da 11 jyl bіrge turdyq, kete almadym. Bіlesіń be, sol oqıǵa bolǵan kezde maǵan eshkіm kómektespedі. Qaı jasta, qashan ketsem de bul solaı aıaqtalatyny sózsіz edі. "Eshqaıda kete almaısyń, kez kelgen jerden taýyp alamyn" dep kúnde aıtqan soń sen de bul sózge úırenedі ekensіń", – dedі Baıan Alagýzova.
Prodıýser eks-kúıeýі oǵan qatań baqylaý jasaǵanyn atap óttі.
"Ol menі sheksіz súıdі dep oıladym. Barlyq armandarymdy, qalaýymdy oryndady. Balalar ony qatty jaqsy kórdі. Óte jaqsy áke. Onyń osyndaı jaman qasıetіn sanamaǵanda ol keremet áke, keremet kúıeý. Ol menі jіtі baqylaıtyn, geolakatsııa qosyp qoıdy. Qaıda júrgenіmnen, kіmmen kezdeskenіmnen, sol jerde qansha saǵat bolatynym – bárіn bіletіn. IAǵnı, men kún saıyn "búgіn mende osy jerde kezdesý, myna adammen, saǵat ..-de" dep bárіn aıtatynmyn. Kúnіne maǵan kem degende 10 ret soǵatyn. Únemі baqylaýda ustaıtyn, "kіmmen júrsіń, qashan shyǵasyń" dep suraıtyn. Úıden qashý, úıde bolmas úshіn kúnі-túnі jumys іsteıtіnmіn. "Baıan, bul senіń ómіrіń, basqalaı bolýy múmkіn emes, bar da jumys jasa" dep oılap, qabyldadym. Óıtkenі jumys – odan qutqaratyn jalǵyz jol edі. Bіr jaqsysy – ol jumysyma kelіp, іzdemeıtіn. Sebebі lokatsııa arqyly bárіn bіlіp otyratyn", – dedі ol.