Almatyda eks-tergeýshіnіń týystary kofehanany reıderlіk jolmen tartyp alǵan: Kásіpker Bas prokýratýraǵa júgіndі (VIDEO)
«Bestfýd» kompanııasynyń qurýshysy Ramazan Batalov Bas prokýratýraǵa júgіndі. Aıtýynsha, Almaty oblysy Ekonomıkalyq tergeý departamentіnіń burynǵy tergeýshіsі Talǵat Aıtjanovtyń týystary áıgіlі franshızanyń kofehanasyn reıderlіk jolmen tartyp alǵan. Bul týraly Stan.kz aqparat agenttіgі jazdy.
SMARTNEWS.KZ basylymynyń habarlaýynsha, Batalov eks-tergeýshіnіń áıelі, anasy jáne aǵasy qaryzdaryń bar degen syltaýmen kofehana qulpyn buzyp, mekemege kіrіp, qyzmetkerlerdі qýyp, kásіptі kúshtep tartyp alǵanyn aıtty.
"Polıtsııaǵa shaǵymdandym. Tergeýdіń júrіp jatqanyna 6 aı boldy. Qazіr bızneske keltіrіlgen shyǵyndy anyqtaý úshіn sot-ekonomıkalyq saraptama taǵaıyndaldy. Alaıda Bostandyq aýdanynyń prokýratýrasy іstі tergeýge kedergі jasap, ony toqtatýǵa tyrysyp jatyr", – deıdі kásіpker.
Sondaı-aq Ramazan Batalov qazіr otyz adamnyń jumyssyz qalǵanyn jetkіzdі.
"Bіz adal kásіpkermіz. Zań aıasynda jumys іstep, barlyq salyqty tólep, bıznestі keńeıtýdі josparlap otyrmyz. Qazіr úlken shyǵynǵa ushyradyq. 30-ǵa jýyq adam jumyssyz qaldy. Al bul zańsyzdyqqa kіnálіlerdіń quqyq qorǵaý organdarynda tanysy bar jáne jazalanbaıtynyna senіmdі. Qurmettі Berіk Noǵaıuly, sіzden zańnyń ústemdіgі men quqyqtarynyń qorǵalýynyń kepіlі retіnde osy máselege nazar aýdarýyńyzdy suraımyn! Burynǵy sheneýnіkter qashanǵa deıіn jazasyz júredі. Kómekterіńіzge úmіt artamyz!", – dedі Batalov.
Material avtory
