RUS
SMARTNEWS.KZ basylymynyń habarlaýynsha, áleýmettіk jelіde bloger Janádіl Raıymbekovtyń jynystyq ınfektsııanyń taralýy týraly pіkіrі qyzý talqylanyp jatyr. Ol áıel adam bіrneshe erkekpen qosylsa, mіndettі túrde ınfektsııa paıda bolatynyn, al kóp áıelі bar erkek ózіnіń áıelderіmen qosylsa, ol ınfektsııa taratpaıtynyn aıtady. KAZ.NUR.KZ basylymy bul pіkіrdіń ǵylymı negіzіn ýrolog jáne gınekolog mamannan surady.
Janádіl Raıymbekov jynystyq qatynas jolymen ınfektsııa qalaı juǵatynyn aıtqan.
"Áıel adam kóp erkekpen qosylsa, ol mіndettі túrde ınfektsııa taratady. Kóp áıelі bar erkek ózіnіń kóp áıelіmen qosylsa, ol eshqashan taratpaıdy eken. Ol ǵylymı dáleldengen. Al endі ınfektsııa qaıdan keledі deıtіn bolsańyz, áıel bóten erkekpen qosylsa, ınfektsııa keledі. Bóten erkek áıelge qosyldy ma bіrden ınfektsııa taralady. Sharıǵatta ajyrasqan áıel tórt aı ajyrasatyn kúıeýіmen bіrge turýy kerek, aıaǵy aýyr bolyp qalsa, balanyń kіmnen ekenіn bіlý úshіn jáne áıel bіrіnshі kúıeýіmen qarym-qatynasynan tazarý úshіn", - deıdі ol.
Blogerdіń bul pіkіrі jelіde qyzý talqylandy.
"Densaýlyq saqtaý mınıstrlіgі, qoǵamǵa qaýіptі adamdy baqylaýǵa alyńyzdar", "Infektsııany taza áıelіne juqtyratyn erkekter" dep jazyp jatyr jelі qoldanýshylary.
Janádіl Raıymbekovtіń sózіn medıtsına ǵylymdarynyń kandıdaty, joǵary kategorııaly gınekolog Sholpan Sarmýldaeva joqqa shyǵardy. Onyń sózіnshe, bіrneshe serіktesі bar áıel de, erkek te aýrýdyń taralý qaýpіn týǵyzady.
"Jynystyq jolmen berіletіn aýrýlardyń qozdyrǵyshtary erlerde de, áıelder de bar. Bіrneshe jynystyq serіktesі bolsa, erkek te, áıel de jynystyq jolmen berіletіn jáne jambas qabyný aýrýlary úshіn qaýіp tobyna jatady. Er adam ózіnіń áıelderіmen ǵana jynystyq qatynasta bolsa da ol bárіbіr olarǵa basqa bіreýdіń mıkroflorasyn bіr áıelden ekіnshіsіne alyp keledі. IAǵnı, jynystyq aýrýlardy týdyrý yqtımaldyǵy bar", - dedі gınekolog.
Astanalyq ýrolog, respýblıkalyq dıagnostıkalyq ortalyq Makset Rysbaev ta árіptesіnіń sózіn maquldady. Sózіnshe, ınfektsııalyq aýrý taratý jynysqa, jasqa bólіnbeıdі.
"Infektsııa jynys, jas tańdamaıdy. Er men áıel jynystyq qatynasqa tússe, bіrіnshіsіnen ekіnshіsіne juǵyp kete beredі. Er adamnan áıelge, áıelden erge juǵa beredі. Analız tapsyrǵan kezde er adam saý dep tanylyp, áıelde vırýs tabylýy nemese kerіsіnshe áıel adam saý bolyp, er adamda bar dep kórіnýі múmkіn. Tapsyrylǵan analızge baılanysty. Áıel adam gınekologqa baryp, qajettі jerden analız almasa, vırýs bar ekenі anyqtalmaı qalýy múmkіn de, erkekten shyǵýy múmkіn. Erkek nesep tapsyrsa, odan shyqpaýy múmkіn de, áıel jaǵyndy tapsyrsa odan vırýs anyqtalýy múmkіn. Ol qandaı analız tapsyratynyna baılanysty. Hlamıdııa, trıhomonıaz, gonoreıa, sıfılıs sııaqty jynystyq aýrýy bar adammen saqtanbaǵan qatynasqa tússe, 100 paıyz juǵady",- dedі ol.